୭୬ତମ ସାଧାରଣତନ୍ତ୍ର ଦିବସ ପାଳିତ

ମୁନିଗୁଡା, (ରମାକାନ୍ତ ପଡ଼ାଲ) : ରାୟଗଡ଼ା ଜିଲ୍ଲା ମୁନିଗୁଡା ବ୍ଲକ ଅଞ୍ଚଳରେ ବିଭିନ୍ନ ସରକାରୀ ବେସରକାରୀ ଅନୁଷ୍ଠାନ ମାନଙ୍କରେ ୭୬ତମ ସାଧାରଣତନ୍ତ୍ର ଦିବସ ମହା ସମାରୋହରେ ପାଳିତ ହୋଇଯାଇଛି । ଅମ୍ବାଦଳା ଉଚ୍ଚ ମାଧ୍ୟମିକ ବିଦ୍ୟାଳୟ ଅମ୍ବାଦଳା ସାମନ୍ତ ମହାବିଦ୍ୟାଳୟ, ଅମ୍ବାଦଳା ସେବାଶ୍ରମ ସେହିପରି ଅଞ୍ଚଳର ଇନ୍ଦିରା ଗାନ୍ଧୀ ଉଚ୍ଚ ବିଦ୍ୟାଳୟ, ରଘୁବାରି, ଡିମିରିଗୁଡା, ବାଲିଯୋଡ଼ି ସେବାଶ୍ରମ, ରାଣିପିଣ୍ଡା, ଇଚ୍ଛାପୁର, ଜଗଦଳପୁର, ସରଧାପୁର, ଘମଟଗୁଡା ଆଦି ବିଦ୍ୟାଳୟ, ଅମ୍ବାଦଳା ସରସ୍ଵତୀ ଶିଶୁ ମନ୍ଦିର, ଶ୍ରୀମା ଅରବିନ୍ଦ ଶିକ୍ଷା କେନ୍ଦ୍ର, ଅମ୍ବାଦଳା ଥାନା ପରିସରରେ ବିଷମ କଟକ ଏସ୍‌ଡିପିଓ ସନ୍ତୋଷିନି ଓରାମଙ୍କ ଦ୍ୱାରା ପତାକା ଉତ୍ତୋଳନ କରାଯାଇଥିବା ବେଳେ ଅଞ୍ଚଳର ସମସ୍ତ ପଞ୍ଚାୟତ, ଅମ୍ବାଦଳା ସମବାୟ ସମିତିଠୁ ଆରମ୍ବ କରି ସମସ୍ତ ବ୍ୟାଙ୍କ ଅମ୍ୱାଦଳା ସରକାରୀ ଡାକ୍ତରଖାନା, ଅମ୍ୱାଦଳା ବାଲିସାହି ଘୁମୁରା ସଂଘ, ଛତ୍ରପତି ଶିବାଜୀ କ୍ଲବ, ଡ. ଭୀମରାଓ ଆମ୍ବେଦକର କ୍ଲବ, ସ୍ୱାମୀ ବିବେକାନନ୍ଦ କ୍ଲବ, ସମ୍ବିଧାନ ସୁରକ୍ଷା କମିଟି, ନେତାଜୀ କ୍ଲବ, ଅମ୍ୱାଦଳା ଲାଇଫ ଲାଇନ ହସ୍ପିଟାଲ, ବନପାଳଙ୍କ କାର୍ଯ୍ୟାଳୟ, ଆମ୍ବାଦଳା ଓଡିଶା ଡ୍ରାଇଭର ମହାସଙ୍ଘ ପକ୍ଷରୁ ୭୬ତମ ସାଧାରଣତନ୍ତ୍ର ଦିବସ ଧୁମ୍‌ଧାମ୍‌ରେ ପାଳିତ ହୋଇଯାଇଛି । ବିଭିନ୍ନ ସ୍ଥାନରେ ମୁଖ୍ୟ ଅତିଥି ଭାବେ ଅମ୍ବାଦଳା ଥାନା ଅଧିକାରୀ କଳ୍ପନା ବେହେରା ଯୋଗ ଦେଇ ପତାକା ଉତ୍ତୋଳନ କରିବା ସହ ଦେଶ ଓ ଜାତି ପାଇଁ ବଳିଦାନ ଦେଇଥିବା ବୀର ପୁରୁଷ ମାନଙ୍କର ତ୍ୟାଗ, ବଳିଦାନକୁ ନେଇ ସମବେଦନା ଜଣାଇଥିଲେ ।