ରାଉରକେଲା, (ସସ୍ମିତା ପ୍ରଧାନ) : ବରସୁଆଁର ପ୍ରଗତି ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠାନ ତରଫରୁ ୧୧ତମ ବାର୍ଷିକୋତ୍ସବ ଓ ଉତ୍କଳ ଦିବସ ମହାସମାରୋହରେ ପାଳିତ ହୋଇଯାଇଛି । ଅନୁଷ୍ଠାନର ସଭାପତି ସତ୍ୟନାରାୟଣ ବେହେରାଙ୍କ ସଭାପତିତ୍ୱ ସାଧାରଣ ସମ୍ପାଦକ ବସନ୍ତ କୁମାର ନାୟକଙ୍କ ଆବାହକତ୍ଵ ଓ ଅନୁଷ୍ଠାନର ଉପଦେଷ୍ଟା, ରାଉରକେଲା ଜର୍ଣ୍ଣାଲିଷ୍ଟ ଆସୋସିଏସନର ଉପସଭାପତି ତଥା କବି କୁଞ୍ଜବିହାରୀ ରାଉତଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ରାଉରକେଲା କଲେଜର ଅଧ୍ୟକ୍ଷ ଡ ରବିନ୍ଦ୍ର କୁମାର ଜେନା ମୁଖ୍ୟଅତିଥି, ବରସୁଆଁ ବିଦ୍ୟୁତ ବିଭାଗର ପ୍ରବନ୍ଧକ ନୃସିଂହ ନାୟକ, ଡେପୁଟି ମ୍ୟାନେଜର ଶ୍ରୀଜନ ହାଁସଦା, ଉପ ପ୍ରବନ୍ଧକ ସରୋଜ ବେହେରା ଓ ପ୍ରଗତିବାଦୀର ଜିଲ୍ଲା ପ୍ରତିନିଧି ସଂଗ୍ରାମ କିଶୋର ଭୂୟାଁ ସମ୍ମାନିତ ଅତିଥି ଭାବେ ଯୋଗଦେଇଥିଲେ । ମୁଖ୍ୟଅତିଥି ଡ଼ ଜେନା ତାଙ୍କ ବକ୍ତବ୍ୟରେ ଅନୁଷ୍ଠାନର ସାମାଜିକ ପ୍ରତିବଦ୍ଧତା ଓ ଇନ୍ଦିରା ଗାନ୍ଧୀଙ୍କ ସ୍ମାରକୀରେ ବରସୁଆଁ ଲୈ।ହର ଉପଯୋଗକୁ ପ୍ରଶଂସା କରିବା ସହ ସ୍ୱତନ୍ତ୍ର ଓଡ଼ିଶା ଗଠନରେ ଉତ୍କଳମଣି ଗୋପବନ୍ଧୁ ଦାସ, ଉତ୍କଳ ଗୌରବ ମଧୁସୁଦନ ଦାସ, ବ୍ୟାସକବି ଫକୀରମୋହନ ସେନାପତି, ପ୍ରକୃତି କବି ଗଙ୍ଗାଧର ମେହେରଙ୍କ ସମେତ ବହୁ ମହାପୁରୁଷଙ୍କ ଅବଦାନ ସମ୍ପର୍କରେ ଆଲୋଚନା କରିବା ସହ ଓଡ଼ିଆର ଅସ୍ମିତା ସମ୍ପର୍କରେ ବକ୍ତବ୍ୟ ରଖିଥିଲେ । ସମ୍ମାନିତ ଅତିଥି ମାନେ ଉତ୍କଳ ଦିବସ ପାଳନ ଅବସରରେ ସାମ୍ପ୍ରତିକ ସ୍ଥିତିରେ ଆତ୍ୱାନ ଓ ଭାଷା ସାହିତ୍ୟର ସୁରକ୍ଷା ତଥା ରାଜ୍ୟର ଉନ୍ନତିରେ ସମସ୍ତଙ୍କ ସହଭାଗିତା ଉପରେ ଗୁରୁତ୍ୱାରୋପ କରିଥିଲେ । ବିଶିଷ୍ଟ ଅତିଥି ତଥା ସଂଯୋଜକ କୁଞ୍ଜବିହାରୀ ରାଉତ ଓଡ଼ିଶାର ଇତିହାସ ଓ ସେଥିରେ ବିଭିନ୍ନ ମନିଷୀଙ୍କ ଅବଦାନ ସମ୍ପର୍କରେ ଆଲୋକପାତ କରିଥିଲେ । ପ୍ରାରମ୍ଭରେ ସଭାପତି ଶ୍ରୀ ବେହେରା ସ୍ୱାଗତ ଭାଷଣ ଓ ସମ୍ପାଦକ ଶ୍ରୀ ନାୟକ ଅନୁଷ୍ଠାନର ବିଭିନ୍ନ କାର୍ଯ୍ୟକ୍ରମ ତଥା ଉତ୍କଳ ଦିବସ ପାଳନର ଆଭିମୁଖ୍ୟ ସମ୍ପର୍କରେ ବକ୍ତବ୍ୟ ରଖିଥିଲେ । ଏହି ଅବସରରେ ମୁଖ୍ୟ ଅତିଥି ଡ଼ ଜେନାଙ୍କୁ ପ୍ରଗତି ଦିଗବର୍ତ୍ତା ସାରସ୍ଵତ ସମ୍ମାନ, ସମସ୍ତ ସମ୍ମାନିତ ଅତିଥି ଶ୍ରୀ ନାୟକ, ଶ୍ରୀ ହାଁସଦା, ଶ୍ରୀ ବେହେରା ଓ ଶ୍ରୀ ଭୂୟାଁଙ୍କୁ ପ୍ରଗତି ସାରସ୍ଵତ ସମ୍ମାନ, ସଂଯୋଜକ ଶ୍ରୀ ରାଉତଙ୍କୁ ପ୍ରଗତି ସରସ୍ଵତୀ ପୁରସ୍କାର, ତଥା ଶାନ୍ତି ସ୍ୱୟଂ ସହାୟକ ଗୋଷ୍ଠୀକୁ ସମ୍ମାନିତ କରାଯାଇଥିଲା । ସେହିପରି ପୂର୍ବରୁ ଆୟୋଜିତ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ଛାତ୍ରଛାତ୍ରୀଙ୍କୁ ଅତିଥି ମାନେ ପୁରସ୍କୃତ କରିଥିଲେ । ପରେ ଗରୁମା ଫୁଲେଶ୍ୱରୀ ପାତ୍ରଙ୍କ ସଂଯୋଜନାରେ ବରସୁଆଁ ସରସ୍ଵତୀ ଶିଶୁ ବିଦ୍ୟାମନ୍ଦିର, ମିସନ ସ୍କୁଲ, ଇସ୍ପାତ ଉଚ୍ଚ ବିଦ୍ୟାଳୟର ଛାତ୍ରଛାତ୍ରୀ, ତଥା ନଟରାଜ ନୃତ୍ୟ ପରିଷଦର କଳାକାର ମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ । ଏହି କାର୍ଯ୍ୟକ୍ରମରେ ସର୍ବଶ୍ରୀ ଶଶିଭୂଷଣ ମାହାନ୍ତି, କୈଳାଶ ଚନ୍ଦ୍ର ପଣ୍ଡା, ସୁଧୀର ଜେନା, ରାଜେଶ ବେହେରା, ବିକ୍ରମ ସିଂ, ପ୍ରଫୁଲ୍ଲ ପ୍ରଧାନ, ବିଦ୍ୟାମନ୍ଦିରର ପ୍ରତିମା ପାତ୍ର, ପ୍ରଣତୀ ଦାସ, ଜୟନ୍ତୀବାଳା ନାୟକ, ଉମାରାଣୀ ସାହୁ, ଧନେଶ୍ଵରୀ ମାହାନ୍ତ, ରାଜକୁମାର ପାତ୍ର, ଅରୁଣ କୁମାର ଗିରି, ସ୍ୱର୍ଣ୍ଣଲତା ବେହେରା, ଜ୍ଞାନେନ୍ଦ୍ର ମହନ୍ତ, ଯମୁନା କିଶାନ, ଗୀତାରାଣୀ ଭୂମିଜ, ଚିଦାନନ୍ଦ ସାହୁ, ଝରଣା ରାଉତ, ଲିଙ୍ଗରାଜ ପ୍ରଧାନ, ଅନୁପମା ସିଂ, ତୁଳସୀ ସିଂ, ବେଲା ଉଗ୍ରସାଣ୍ଡି, ତର୍ସିଲା ମୁଣ୍ଡା, ସିଲବାନ୍ତି କଙ୍ଗାଡି ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।