ଢେଙ୍କାନାଳ, (କେପିଏନ୍ଏସ୍) : ଢେଙ୍କାନାଳ-ଅନୁଗୁଳ ୫୫ ନମ୍ବର ଜାତୀୟ ରାଜପଥର ବଅଁରପାଳ ଥାନା ଅନ୍ତର୍ଗତ ମେରାମଣ୍ଡଳୀ ଓପିଟିସିଏଲ୍ ୨ୟ ଗ୍ରୀଡ ଫାଟକ ନିକଟରେ ଗୋଟିଏ ବାଇକ ଓ ଟ୍ରକ ମଧ୍ୟରେ ଧକ୍କା ହୋଇଥିଲା । ଦୁର୍ଘଟଣା ପରେ ବାଇକ୍ ଓ ଟ୍ରକ୍ରେ ହଠାତ୍ ନିଆଁ ଲାଗିଯାଇଥିଲା । ଫଳରେ ଉଭୟ ଜଳିବାକୁ ଲାଗିଥିଲେ । ଦେଖୁ ଦେଖୁ ବାଇକ୍ଟି ପୋଡି ପାଉଁଶ ହୋଇଯାଇଛି । ସୂଚନା ମୁତାବକ, ବାଇକଟି କଣ୍ଟାବଣିଆରୁ ବଅଁରପାଳ ଅଭିମୁଖେ ଯାଉଥିବା ସମୟ ଭାରସାମ୍ୟ ହରାଇ ଟ୍ରକ ସାମନାରେ ଛିଟିକି ପଡିବାରୁ ନିଆଁ ଲାଗି ଯାଇଥିଲା । ଉଭୟ ଟ୍ରକ ଓ ବାଇକ ନିଆଁ ଲାଗି ଯିବାରୁ ପୋଡି ନଷ୍ଟ ହୋଇଯାଇଛି । ଖବର ପାଇ ବଅଁରପାଳ ଅଗ୍ନିଶମ ବାହିନୀ ଓ ବଅଁରପାଳ ଥାନା ପୁଲିସ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇ ଥିଲେ । ଉଭୟ ଗାଡିର ଚାଳକ ସୁରକ୍ଷିତ ଅଛନ୍ତି । ପୋଲିସ ଟ୍ରକ୍ ଜବତ କରି ତଦନ୍ତ କରୁଛି ।