ତୁରେକେଲା, (କୈଲାଶ ସଗ୍ରିଆ) : ଦୁଇ ବାଇକ୍ ମୁହାଁମୁହିିଁ ଧକ୍କ ହେବା ଫଳରେ ୪ ଜଣ ଗୁରୁତର ହୋଇ ପଡିଥିବା ଜଣାପଡିଛି । ଏଭଳି ଏକ ଅଭାବନୀୟ ଦୁର୍ଘଟଣା ଘଟିଛି ବଲାଙ୍ଗିର ଜିଲ୍ଲା ତୁରେକେଲା ବ୍ଲକ ରତାଖଣ୍ଡି ରାସ୍ତାରେ । ସୂଚନା ଅନୁସାରେ ହିଆଲ ଗାଁର ଚିନ୍ତା ସଗରିଆ(୫୦), ତାଙ୍କ ସ୍ତ୍ରୀ ବାସନ୍ତୀ ସଗରିଆ (୪୫) ଓ ଝିଅ ପୁଷ୍ପାଞ୍ଜଳି ସଗରିଆ (୧୫) ନିଜ ବାଇକ ଯୋଗେ ହିଆଲକୁ ଫେରୁଥିବା ଥିବା ବେଳେ ବିପରୀତ ଦିଗରୁ ଏକ ମୋଟର ସାଇକେଲରେ ଆସୁଥିବା ଦାବରି ଗାଁର ଗାଁ ସାଥୀ ନୃପରାଜ ଗହୀର(୪୦)ଙ୍କ ସହ ରତାଖଣ୍ଡି ରାସ୍ତା ପାଖରେ ମୁହାଁମୁହିଁ ଧକ୍କା ହୋଇଥିଲେ । ନୃପରାଜ, ଚିନ୍ତା, ବାସନ୍ତୀ ଓ ପୁଷ୍ପାଞ୍ଜଳି ୪ ଜଣ ଯାକ ଗୁରୁତର ହୋଇ କଣ୍ଟାବାଞ୍ଜି ସରକାରୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଥିବା ଖବର ମିଳିଛି ।