- ରୋୟାଲ୍ ବନ୍ଧପଡ଼ାକୁ ହରାଇ ସିଂହାମୁଣ୍ଡା ସୁପର କିଙ୍ଗସ୍ ଚାମ୍ପିଅନ
ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଲକ ବୁଢ଼ାବାହାଲରେ ତ୍ରିମୂର୍ତ୍ତି କ୍ରିକେଟ ପ୍ରତିଯୋଗିତା ଉଦ୍ଯାପିତ ହୋଇଯାଇଛି । ଏହି ପ୍ରତିଯୋଗିତାର ଫାଇନାଲ ଖେଳରେ ଆର୍ଯ୍ୟାନ୍ ସୁପର କିଙ୍ଗସ୍ (ସିଂହାମୁଣ୍ଡା) ବିଜୟୀ ହୋଇ ଚାମ୍ପିଅନ ହୋଇଥିବା ବେଳେ ରୋୟାଲ ଶଙ୍କର (ବନ୍ଧପଡା) ଉପ ବିଜେତା ହୋଇଥିଲା । ପ୍ରତିଯୋଗିତାର ଶ୍ରେଷ୍ଠ ବ୍ୟାଟ୍ସମ୍ୟାନ୍ ଭାବେ ଅକମ୍ବର୍ ମହାକୁର, ଶ୍ରେଷ୍ଠ ବୋଲର ଭାବେ ଲିପୁନ ବଗର୍ତ୍ତି ପୁରସ୍କୃତ ହୋଇଥିଲେ । ଏହି ଅବସରରେ ମୁଖ୍ୟ ଅତିଥି ଭାବେ ଦେଓଗାଁ ବ୍ଲକ ଅଧ୍ୟକ୍ଷ ଦୟାନିଧି ଖମାରୀ, ଯୋଗେଶ୍ୱର ନାଏକ ଯୋଗ ଦେଇ ପୁରସ୍କାର ପ୍ରଦାନ କରିଥିଲେ । ପ୍ରତିଯୋଗିତାରେ ଅଚ୍ୟୁତ ମିଶ୍ର ଧାରା ବିବରଣୀ ପ୍ରଦାନ କରିଥିବା ବେଳେ ଆୟୋଜକ ଦଳର ଖେଳାଳୀମାନେ ପରିଚାଳନାରେ ସହଯୋଗ କରିଥିଲେ ।