ପାଟଣାଗଡ, (ଗୋରେଖନାଥ ବରିହା) : ପାଟଣାଗଡ ସବଡିଭିଜନ ଅନ୍ତର୍ଗତ ଡାଙ୍ଗବାହାଲ ଗ୍ରାମ ପଞ୍ଚାୟତର ଦମକିପାଲି ଗ୍ରାମରେ ପ୍ରଥମ ବର୍ଷ ଦୁଇ ଦିନ ତା.୨ ଓ ୩ ରିଖ ଧରି ସ୍ୱର୍ଗତ ରାଧାକାନ୍ତ ଭୋଇ ମେମୋରିଆଲ ଫ୍ଳଡ ଲାଇଟ ନାଇଟ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ସ୍ୱର୍ଗତ ରାଧାକାନ୍ତ ଭୋଇ ଡାଙ୍ଗବାହାଲ ପଞ୍ଚାୟତର ଭୁତପୂର୍ବ ଆଦର୍ଶ ସରପଞ୍ଚ, ପେଷାରେ ଆଇନଜୀବୀ ଓ ଖେଳକୁଦରେ ଜଣେ ଆଗ୍ରହୀ ବ୍ୟକ୍ତି ଥିଲେ ତେଣୁ ତାଙ୍କ ସ୍ମୃତିରେ ଇଲେଭେନ ଷ୍ଟାର କ୍ରିକେଟ କ୍ଳବ ଦମକିପାଲି ଦ୍ୱାରା ଆୟୋଜିତ ପ୍ରଥମ ବର୍ଷ ଟୁର୍ଣ୍ଣାମେଣ୍ଟରେ ବତିଶ ଗୋଟି ଦଳ ଯୋଗଦେଇଥିଲେ । ଉଦ୍ଘାଟନୀ ଉତ୍ସବରେ ଚଉଦ ନମ୍ବର ଜୋନର ଜିଲ୍ଲା ପରିଷଦ ସଭ୍ୟା ବିଶେଶ୍ୱରୀ ବରିହା ମୁଖ୍ୟ ଅତିଥି ଓ ଡାଙ୍ଗବାହାଲ ପଞ୍ଚାୟତର ସରପଞ୍ଚ ରୀନା ସାହୁ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ । ସ୍ୱର୍ଗତ ଭୋଇଙ୍କ ସୁପୁତ୍ର ସୋହମ ସ୍ୱରୁପ ଭୋଇ ପ୍ରଦୀପ ପ୍ରଜ୍ବଳିତ କରି ଟୁର୍ଣ୍ଣାମେଣ୍ଟକୁ ଆରମ୍ଭ କରିଥିଲେ । ଖଇରପାଲି ଦଳ ଓ ଜେସିବି ଇଲେଭେନ ଦଳ ମଧ୍ୟରେ ଫାଇନାଲ ଖେଳ ହୋଇଥିବା ବେଳେ ଖଇରପାଲି ଦଳ ବିଜୟୀ ହୋଇଥିଲେ । ବିଜୟୀ ଦଳକୁ ପନ୍ଦର ହଜାର ଟଙ୍କା ଓ ଟ୍ରଫି ଏବଂ ଅନ୍ୟ ଦଳକୁ ଦଶ ହଜାର ଟଙ୍କା ଓ ଟ୍ରଫି ପ୍ରଦାନ କରାଯାଇଥିଲା । ଖଇରପାଲି ଦଳର ଆକାଶକୁ ବେଟିଙ୍ଗ ପାଇଁ ମେନ ଅଫ ଦି ମେଚ୍ ଓ ଖଇରପାଲି ଦଳର ମନୋଜକୁ ମେନ୍ ଅଫ ଦି ସିରିଜ ପ୍ରଦାନ କରାଯାଇଥିଲା । ଗଉଡପାଲିର ଶୁଶାନ୍ତ ପଧାନ ଧାରା ବିବରଣୀ ପ୍ରଦାନ କରିଥିବା ବେଳେ ରତିକାନ୍ତ ଭୋଇ, ମନୋଜ ଭୋଇ, ଜତିନ୍ଦ୍ର ତାଣ୍ଡି ତଥା ଖେଳପ୍ରେମୀମାନେ ବିଶେଷ ସହଯୋଗ କରିଥିଲେ ।