- ଚତୁର୍ଥ ଦିନ ତୁଜଙ୍ଗ ଦଳ ବିଜୟୀ ହୋଇ ସେମିଫାଇନାଲକୁ ପ୍ରବେଶ
- ରବିବାର ଦିନ ଫାଇନାଲ ମ୍ୟାଚ୍
କଳାହାଣ୍ଡି, (ପି.କେ.ସାହୁ) : କଳାହାଣ୍ଡି ଜିଲ୍ଲା ମ. ରାମପୁର ବ୍ଲକ ମଦନପୁର ଠାରେ ଏମସିସି ନକଆଉଟ କ୍ରିକେଟ ଟୁର୍ଣ୍ଣାମେଣ୍ଟ ଶନିବାର ଚତୁର୍ଥ ଦିବସ ତିନି ଗୋଟି ମ୍ୟାଚ୍ ହୋଇଯାଇଛି । ଶେଷ ମ୍ୟାଚ୍ ଟୁର୍ଚି ଦଳ ଟସ ଜିଣି ପ୍ରଥମେ ବ୍ୟାଟିଙ୍ଗ କରି ୬.୪ ବଲରେ ସମସ୍ତ ୱିକେଟ ହରାଇ ୨୬ ରନ୍ କରିଥିବା ବେଳେ ତୁଜୁଙ୍ଗ ଦଳ ୫.୫ ବଲରେ ୪ ୱିକେଟ ବିନିମୟରେ ୨୭ ରନ୍ କରି ବିଜୟୀ ହୋଇ ସେମିଫାଇନାଲକୁ ପ୍ରବେଶ କରିଛି । ଆଜିର ମ୍ୟାଚ୍ରେ ମୁଖ୍ୟ ଅତିଥି ଭାବେ ମ. ରାମପୁର ବ୍ଲକ ବିଜେଡି ସଭାପତି ସତ୍ୟ ନାରାୟଣ ସାହୁ, ସମ୍ମାନିତ ଅତିଥି ଭାବେ ପୂର୍ବତନ ସରପଞ୍ଚ ଜୟରାମ ମହାନନ୍ଦ ପ୍ରମୁଖ ଉପସ୍ଥିତ ରହି ଖେଳାଳିମାନଙ୍କୁ ଉତ୍ସାହିତ କରିଥିଲେ । ଚିତ୍ତରଞ୍ଜନ ପୁଝାରୀ, ରାଜୀବ ବଗର୍ତ୍ତି, ଅଶ୍ୱିନୀ ଗହୀର ଓ ବିରେନ୍ଦ୍ର ବାହୁକ ଖେଳ ପରିଚାଳନା କରିଥିବା ବେଳେ ସ୍କୋର ବୋର୍ଡରେ ଶମ୍ଭୁ ବାହୁକ ଓ ତେଜରାଜ ମହାନନ୍ଦ, ଧାରା ବିବରଣୀ ପ୍ରଦାନ କରିଥିଲେ ରାଜେନ୍ଦ୍ର କୁମାର, ରଜନୀକାନ୍ତ ଦାସ । ଉକ୍ତ ଟୁର୍ଣ୍ଣାମେଣ୍ଟରେ ଆୟୋଜକ କମିଟିର ସମସ୍ତ ସଦସ୍ୟ ସହଯୋଗ କରିଥିଲେ । ରବିବାର ଦୁଇ ଗୋଟି ସେମିଫାଇନାଲ ଓ ଫାଇନାଲ ମ୍ୟାଚ୍ ହେବ ବୋଲି କମିଟିର ଆଶିଷ ଦଣ୍ଡିଆ ଓ ରିତେଶ ମହାନନ୍ଦ ସୂଚନା ଦେଇଛନ୍ତି ।