ଦେଓଗାଁ, (ମନୀଷ କୁମାର ସାହୁ): କିଛି ଦିନ ହେଲା ଦେଓଗାଁ ବ୍ଲକରେ କରୋନା ରୋଗୀଙ୍କ ସଂଖ୍ୟା ବଢିବାରେ ଲାଗିଛି । ବିଗତ ୭ଦିନ ମଧ୍ୟରେ ଦେଓଗାଁ ବ୍ଲକରେ ୧୮ଜଣ ରୋଗୀ ଚିହ୍ନଟ ହୋଇଥିବା ଜଣାପଡିଛି । ପ୍ରତିଦିନ ଜଣେ ଦୁଇ ଜଣ ରୋଗୀ ଚିହ୍ନଟ ହେବାରେ ଲାଗିଛନ୍ତି । ବୁଧବାର ଦିନ ଦେଓଗାଁ ବ୍ଲକ ସାରସମାଲ ଓ ଦେଷଣ୍ଢ ପଞ୍ଚାୟତର ଜଣେ ଲେଖାଏଁ ରୋଗୀଙ୍କ କରୋନା ପଜିଟିଭ ଆସିଥିବା ସରକାରୀ ରିପୋର୍ଟରୁ ଜଣାପଡିଛି । ସେହିପରି ମଙ୍ଗଳବାର ଦିନ ଦେଓଗାଁରୁ ଜଣେ, ସୋମବାର ଦିନ ମହାଲାଇରୁ ୨ଜଣ, ରବିବାର ଦିନ ଦେଓଗାଁ ଓ କୁଲୁତାପଡ଼ା ପଞ୍ଚାୟତର ଜଣେ ଲେଖାଏଁ, ଶନିବାର ଗୁଡ଼ଖାପଲା ଓ ଗାଈବାହାଲ ପଞ୍ଚାୟତରେ ଜଣେ ଲେଖାଏଁ ଶୁକ୍ରବାର ଉପର୍ଝର୍ ପଞ୍ଚାୟତରେ ୨, କୁତୁର୍ଲାରେ ଜଣେ, ଗୁରୁବାର ଦିନ ମୁକୁନ୍ଦପୁର ପଞ୍ଚାୟତର ୨ଜଣ, ଦେଓଗାଁ, ହାତୀସରା, ଦେଷଣ୍ଢ, ଗାଈବାହାଲ ପଞ୍ଚାୟତରେ ଜଣେ ଲେଖାଏଁ ରୋଗୀ ଚିହ୍ନଟ ହୋଇଥିଲେ ।