ଖପ୍ରାଖୋଲ, (କ୍ରିଷ୍ଣା ସେଠୀ) : ଖପ୍ରାଖୋଲ ଅଞ୍ଚଳରେ ନିଶା ବେପାରୀଙ୍କ ପ୍ରାଦୁର୍ଭାବ ଦିନକୁ ଦିନ ବଢିବାରେ ଲାଗିଛି । ବିଶେଷ କରି ଅଞ୍ଚଳର ଗରିବ ଶ୍ରେଣୀର ତଥା ଯୁବ ଗୋଷ୍ଠୀଙ୍କୁ ପଥଭ୍ରଷ୍ଟ କରାଇ ନିଜ ବେପାର ଚଲାଇଛନ୍ତି । ବାରମ୍ବାର ପୋଲିସ ହାତରେ ଧରାପଡିଲେ ମଧ୍ୟ ନିଜର ବେପାର ବନ୍ଦ କରୁନାହାନ୍ତି । ଆଜି ପାଟଣାଗଡ଼ରୁ ଖପ୍ରାଖୋଲ୍ ଅଭିମୁଖେ ଆସୁଥିବା ଏକ କାରକୁ ଖପ୍ରାଖୋଲ ପୋଲିସ କୈାଣସି ସୁତ୍ରରୁ ଖବର ପାଇ ଧଣ୍ଡାମୁଣ୍ଡା ଛକରେ ଅଟକାଇ ଯାଞ୍ଚ କରିଥିଲେ । କାର୍ରେ ବହୁ ସଂଖ୍ୟାରେ କୋରେକ୍ସ ଥିବା ଦେଖି କାରକୁ ଖପ୍ରାଖୋଲ୍ ଥାନାକୁ ଆଣିବା ସହ କାର୍ରେ ଥିବା ପାଟଣାଗଡ଼ର ସୁନିଲ ପାତ୍ର ଏବଂ ରିଙ୍କୁ ଜୈନଙ୍କୁ ହେପାଜତରେ ନେଇ ତଦନ୍ତ ଚଳାଇଥିବା ଜଣାପଡ଼ିଛି । ଏହି ଚଢାଉରେ ଖପ୍ରାଖୋଲ ଥାନା ଅଧିକାରୀ ରମାକାନ୍ତ ସାହୁ, ସେଓ୍ବନ କେରକେଟା ତଥା ପୋଲିସ କର୍ମଚାରୀ ସାମିଲ୍ ଥିଲେ ।