ଭୁବନେଶ୍ୱର, (କେପିଏନ୍ଏସ୍) : ଆଜି ରାଜ୍ୟ ଅବକାରୀ ଫ୍ଲାଇଂ ସ୍କ୍ୱାର୍ଡ ଦ୍ୱାରା ଭୁବନେଶ୍ୱର ଫରେଷ୍ଟ ପାର୍କ ନିକଟରୁ ୨୬୨ ଗ୍ରାମ୍ ବ୍ରାଉନ୍ ସୁଗାର ସହିତ ଏକ ବଜାଜ ପଲସର ଜବତ ହୋଇଛି । ଅବକାରୀ କମିଶନର ଆଶିଷ କୁମାର ସିଂଙ୍କ ନିର୍ଦ୍ଦେଶ କ୍ରମେ ଅବକାରୀ ଫ୍ଲାଇଂ ସ୍କ୍ୱାର୍ଡର ଏକ ଟିମ୍ ଦ୍ୱାରା ଫରେଷ୍ଟ ପାର୍କ ନିକଟରେ ଚଢ଼ାଉ କରି ୨୬୨ ଗ୍ରାମ ବ୍ରାଉନସୁଗାର ଜବତ କରିଛନ୍ତି । ଅଭିଯୁକ୍ତ ସତ୍ୟଜିତ ସାମଲ (୨୨) ଫରେଷ୍ଟ ପାର୍କ ଅଞ୍ଚଳରେ ବ୍ରାଉନ୍ ସୁଗାର ବିକ୍ରୟ କରୁଥିବାର ସୂଚନା ମିଳିବା ନେଇ ଅବକାରୀ ଷ୍ଟାଫ୍ଫ ଗ୍ରାହକ ବେଶରେ ବ୍ରାଉନସୁଗାର କିଣିବା ପାଇଁ ମଗାଇଥିଲେ । ଅଭିଯୁକ୍ତ ବିକ୍ରୟ କରିବା ସମୟରେ ଚଢ଼ାଉ କରି ୨୬୨ ଗ୍ରାମ ବ୍ରାଉନ୍ ସୁଗାର ସହିତ ଏକ ବଜାଜ ପଲସର ବାଇକ୍ ଜବତ କରିଥିଲେ । ଚଢ଼ାଉ ସମୟରେ ଜବତ ବ୍ରାଉନସୁଗାରର ମୂଲ୍ୟ ପ୍ରାୟ ୨୬ ଲକ୍ଷ ୬୨ ହଜାର ଟଙ୍କା ହେବ ବୋଲି ସୂଚନା ମିଳିଛି । ଏ ଚଢ଼ାଉରେ ଦିଲ୍ଲୀପ କୁମାର ବେହେରା ଆଇଆଇସି ରୋଶନ ଈସୁ ହାଁସଦା ଇନ୍ସପେକ୍ଟର, ନଟବର ମଲ୍ଲିକ, ଏଏସ୍ଆଇ ଏସ୍କେ. ସାକୀର ଉଲ୍ଲା, ଏଏସ୍ଆଇ ଓ ଅନ୍ୟମାନେ ସାମିଲ ହୋଇଥିଲେ ।