ଟିଟିଲାଗଡ଼, (ସଞ୍ଜୟ କୁମାର ନାୟକ) : ଶନିବାର ସନ୍ଧ୍ୟାରେ ଟିଟିଲାଗଡ଼ ମାରୱାଡ଼ି ୟୁଭା ମଞ୍ଚ ସେଣ୍ଟ୍ରାଲ ଶାଖା ପକ୍ଷରୁ ରାୟପୁର ଏମ୍ଏମ୍ଆଇ ହସ୍ପିଟାଲର ସହଭାଗିତାରେ ଏକ ସ୍ୱାସ୍ଥ୍ୟ ସମ୍ବନ୍ଧୀୟ ବିଶେଷଜ୍ଞ ଡାକ୍ତରମାନଙ୍କୁ ନେଇ ଏକ ଆଲୋଚନା ଚକ୍ର ସ୍ଥାନୀୟ ଡିଏନ ରିସର୍ଟ ଠାରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥିଭାବେ ଟିଟିଲାଗଡ଼ର ବିଧାୟକ ନବୀନ ଜୈନ, ସମ୍ମାନନୀୟ ଅତିଥିଭାବେ ରାୟପୁର ଏମ୍ଏମ୍ଆଇ ନାରାୟଣୀ ହସ୍ପିଟାଲର ଅସ୍ଥିଶଲ୍ୟ ବିଶେଷଜ୍ଞ ପଙ୍କଜ କୁମାର ପଟେଲ ଓ ହୃଦ୍ରୋଗ ବିଶେଷଜ୍ଞ ସୁମନ୍ତ ଶେଖର ପାଢ଼ୀ, ମାରୱାଡ଼ି ୟୁଭା ମଞ୍ଚ ସେଣ୍ଟ୍ରାଲ ଶାଖା ସଭାପତି ୟୁଭା ଅମିତ୍ ଶର୍ମା, ପ୍ରୋଜେକ୍ଟ ଡାଇରେକ୍ଟର ଅଙ୍କୁର ଅଗ୍ରୱାଲ ମଞ୍ଚାସୀନ ଥିଲେ । ଏହି ସ୍ୱାସ୍ଥ୍ୟ ସମ୍ବନ୍ଧୀୟ ହୃଦ୍ରୋଗ କିପରି ହୁଏ, ତାହାର ନିରାକରଣ ଉପାୟ କଣ କଣ, କିପରି ନିଜର ଦୈନନ୍ଦିନ ଜୀବନରେ ସନ୍ତୁଳିତ ଖାଦ୍ୟ ଖାଇବା ସହ କଣ କଣ ନିରାକରଣ ଉପାୟ ଅବଲମ୍ବନ କଲେ ହୃଦ୍ରୋଗରୁ ନିଜକୁ ବଞ୍ଚେଇ ହେବ ସେହ ଦିଗରେ ଡଃ. ପାଢ଼ୀ ଉପସ୍ଥିତ ଲୋକଙ୍କୁ ଅବଗତ କରାଇଥିଲେ । ସେହିପରି ଅସ୍ଥିଶଲ୍ୟ ବିଶେଷଜ୍ଞ ଡଃ. ପଟେଲ ମଧ୍ୟ ହାଡ଼ର କେଉଁ କେଉଁ ରୋଗ କିପରି ହୁଏ, ସଚେତନ କିପରି ହେବେ ସେ ବିଷୟରେ ଆଲୋକପାତ କରିଥିଲେ । ମୁଖ୍ୟ ଅତିଥି ଶ୍ରୀ ଜୈନ ମାରୱାଡ଼ି ଯୁବାମଞ୍ଚ ସେଣ୍ଟ୍ରାଲ ଶାଖାର ଏହିଭଳି ଆୟୋଜନ କରିଥିବାରୁ ତାଙ୍କୁ ସାଧୁବାଦ୍ ଜଣାଇଥିଲେ । ତା’ସହ ଟିଟିଲାଗଡ଼ ସହରର ପ୍ରମୁଖ ଡାକ୍ତରଙ୍କ ସେବା କାର୍ଯ୍ୟ ପାଇଁ ତାଙ୍କୁ ଭୂୟସୀ ପ୍ରଶଂସା କରିଥିଲେ । ଆୟୋଜକ ସଂସ୍ଥା ତରଫରୁ ସରକାରୀ ଡାକ୍ତରଖାନାର ସ୍ତ୍ରୀ ଓ ପ୍ରସୂତି ବିଶେଷଜ୍ଞ ଡାକ୍ତର ବଳରାମ ସାହୁ, ଦମନ ଫିଲ୍ମ କାହାଣୀର ମୁଖ୍ୟ ଚରିତ୍ର ଉପରେ କାହାଣୀ ବନିଥିବା ଡାକ୍ତର ଓଁକାର ହୋତା, ଶିଶୁ ରୋଗ ବିଶେଷଜ୍ଞ ଡାକ୍ତର ବିଜୁ ଅଗ୍ରୱାଲ, ଡାକ୍ତର ଗୋପବନ୍ଧୁ ସାହୁ ଏବଂ ଆସିଥିବା ଦୁଇ ଡାକ୍ତରଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ଟିଟିଲାଗଡ଼ ସହରର ସମାଜସେବୀ, ବୁଦ୍ଧିଜୀବୀ, ବଣିକ ସଂଘ ସଭାପତି ଶ୍ରୀ ଶମ୍ଭୁ ପ୍ରସାଦ ଗୋୟଲ୍, ଲାୟନ୍ସ କ୍ଲବ ସଭାପତି ଗଙ୍ଗାଧର ଶର୍ମା, ସମ୍ପାଦକ ଆବାସ ଖାଁ, ପିଡିଜି ଯମୁନା ପ୍ରସାଦ ଗୋୟଲ୍, ମାର୍କେଟିଂ ଚେୟାର ପର୍ସନ ସଞ୍ଜୟ କୁମାର ନାୟକ, ରାଜ୍ୟ ସରପଞ୍ଚ ସଂଘର କାର୍ଯ୍ୟକାରୀ ସଭାପତି ଶ୍ରୀ ବୀରବର ସାହୁ, କୁସ କେଲାର ପୂର୍ବତନ ସରପଞ୍ଚ ହରି ନାରାୟଣ ମିଶ୍ର, ଗୁଜୁରାତି ସମାଜର ହରିଶ୍ ରାୟଥଟା, ପୌର ପରିଷଦର ନିର୍ବାହୀ ଅଧିକାରୀ ସନ୍ଦୀପ ଚନ୍ଦ୍ର କାର, ରୋଟାରୀ କ୍ଲବର ମହେଶ ଇନ୍ଦୋରିଆ, ଖୋଲାନ ସରପଞ୍ଚ ନରେଶ ଅଗ୍ରୱାଲ, ପୌର ପରିଷଦର କାଉଁନ ସିଲର ମାନସ ସାହୁ, ସୁଧୀର ଅଗ୍ରୱାଲ, ଗୋପାଳ ବେହେରା, ବିଜେପି ନେତ୍ରୀ ରଞ୍ଜୁ ରାଏମନ୍, ବିଜୟ ମେହେର, ମାରୱାଡ଼ି ଯୁବା ମଞ୍ଚର ପୂର୍ବତନ ପ୍ରାନ୍ତେୟ ଅଧ୍ୟକ୍ଷ ରୀଙ୍କୁ ଅଗ୍ରୱାଲ, ମାରୱାଡ଼ି ଯୁବା ମଞ୍ଚ ସେଣ୍ଟ୍ରାଲ ଶାଖାର ପୂର୍ବତନ ଅଧ୍ୟକ୍ଷ ଆରୁସ ଶର୍ମା, ରୋଗୀ କଲ୍ୟାଣ ସମିତିର ଶ୍ରୀଯୁକ୍ତ ରାଓ, କଣ୍ଟାବାଞ୍ଜି ସାମ୍ବାଦିକ ସଂଘର ଛୋଟୁ ସିଂ ସାଲୁଜା, ଯୁବା ମଞ୍ଚର ଆଶିଷ ଖେତାନ, ଟିଟିଲାଗଡ଼ର ହନି ଅଗ୍ରୱାଲ, ଗଜାନନ ଅଗ୍ରୱାଲ, ନିଲେସ ଜୈନ, ପ୍ରିତମ ଜୈନ, ନେମି ଚାନ୍ଦ ଶର୍ମା ଓ ଅନ୍ୟାନ୍ୟ ଜନ ସାଧାରଣ ଜନତା ଉପସ୍ଥିତ ଥିଲେ ।