ଝାରସୁଗୁଡ଼ା : ଝାରସୁଗୁଡ଼ାରେ ବାଜି ମାରିନେଇଛି ବିଜେଡ଼ି । ବାପା ନବ ଦାସଙ୍କ ରେକର୍ଡ ଭାଙ୍ଗିଛନ୍ତି ଝିଅ ଦୀପାଳି । ୨୦୧୯ ସାଧାରଣ ନିର୍ବାଚନରେ ନବ ଦାସ ୪୫ ହଜାର ୬୯୯ ଭୋଟରେ ଜିତିଥିବା ବେଳେ ଦୀପାଳି ଦାସ ୪୮ ହଜାର ୭୨୧ ଭୋଟରେ ବିଜୟୀ ହୋଇଛନ୍ତି । ଝାରସୁଗୁଡ଼ାରେ ବି ବିଜେଡ଼ି ସୁପ୍ରିମୋ ନବୀନଙ୍କ ମେଜିକ୍ ଜବର୍ଦସ୍ତ କାମ ଦେଇଥିବା ଦେଖିବାକୁ ମିଳିଛି । ବିଜେପିକୁ ପଛରେ ପକାଇ ବିଜେଡ଼ି ପୁଣି ହାତେଇଛି ଝାରସୁଗୁଡ଼ା ଆସନ । ରେକର୍ଡ ସଂଖ୍ୟକ ଭୋଟରେ ବିଜେଡ଼ି ବାଜି ମାରିନେଇଛି । ବହୁ କସରତ ପରେ ବି ବିଜେପିକୁ ପରାଜୟ ବରଣ କରିବାକୁ ପଡ଼ିଛି । ସୂଚନା ଅନୁସାରେ ଦୀପାଳିଙ୍କୁ ୧ ଲକ୍ଷ ୭ ହଜାର ୧୯୮ ଖଣ୍ଡ ଭୋଟ ମିଳିଥିବା ବେଳେ ନିକଟତମ ବିଜେପି ପ୍ରାର୍ଥୀ ଟଙ୍କଧର ତ୍ରିପାଠୀଙ୍କୁ ୫୮ ହଜାର ୪୭୭ ଖଣ୍ଡ ଭୋଟ ମିଳିଛି । କଂଗ୍ରେସ ପ୍ରାର୍ଥୀ ତରୁଣ ପାଣ୍ଡେ ଅତି ଶୋଚନୀୟ ସ୍ଥିତିରେ ପହଂଚି ମାତ୍ର ୪ ହଜାର ୪୯୬ ଭୋଟ ପାଇବାକୁ ସକ୍ଷମ ହୋଇଛନ୍ତି । ବିଜେଡ଼ି କର୍ମୀଙ୍କ ମହଲରେ ବେଶ୍ ଉତ୍ସାହ ଦେଖାଦେଇଥିବା ବେଳେ ବିଜେପି ଶିବିର ହତାଶ ହୋଇଛି । କଂଗ୍ରେସ ଶିବିର ନୀରବୀ ଯାଇଥିବା ଚର୍ଚ୍ଚା ହେଉଛି ।