ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ କପିଲାଭଟା ପଞ୍ଚାୟତ ଅସୁର୍ଲା ଗାଁର ପୂର୍ବତନ ୱାର୍ଡ ମେମ୍ବର ସାଇରାମ ତାଣ୍ଡି(୫୭)ଙ୍କ ବିୟୋଗ ଘଟିଛି । ସେ ଦୀର୍ଘ ଦିନ ହେଲା ହୃତ୍ଘାତକ ରୋଗରେ ପୀଡିତ ହୋଇଥିବା ବେଳେ ସେ ବିଭିନ୍ନ ଡାକ୍ତରଖାନାରେ ଚିକିତ୍ସିତ ହେଉଥିଲେ । ହେଲେ ତାଙ୍କ ଅବସ୍ଥା ଗୁରୁତର ହେବାରୁ ଛତିଶଗଡ଼ ରାଜ୍ୟର ରାୟପୁରର ଏକ ବଡ଼ ଡ଼ାକ୍ତରଖାନାରେ ଚିକିତ୍ସିତ ହେଉଥିବା ବେଳେ ସେଠାରେ ତାଙ୍କର ଆଜି ମୃତ୍ୟୁ ହୋଇଥିବା ଜଣାପଡିଛି । ତାଙ୍କର ପରଲୋକ ଖବର ପ୍ରଚାରିତ ହେବା ପରେ ତାଙ୍କର ଶୁଭେଚ୍ଛୁ, ବନ୍ଧୁ ପରିଜନ, ସମ୍ପର୍କିୟ ଲୋକେ ଉପସ୍ଥିତ ରହି ଶେଷ ଦର୍ଶନ କରିଥିଲେ । ଶ୍ରୀ ସାଇରାମ ତାଣ୍ଡି ତାଙ୍କ ଗାଁର ୨ଥର ୱାର୍ଡ ମେମ୍ବର ରହିଥିଲେ । ପୁଅ ଉତ୍ତର ତାଣ୍ଡି ମୁଖାଗ୍ନି ଦେଇଥିଲେ । ଗାଁର ଶ୍ମଶାନଠାରେ ଶେଷକୃତ୍ୟ ସମ୍ପନ୍ନ ହୋଇଯାଇଛି । ତାଙ୍କର ପରଲୋକ ଖବର ପ୍ରଚାରିତ ହେବା ପରେ ଅଞ୍ଚଳରେ ଶୋକର ଛାୟା ଖେଳିଯାଇଛି ।