ଟିଟିଲାଗଡ଼ ଜଗନ୍ନାଥ ମନ୍ଦିରରେ ୨୦୧ କୁଣ୍ଡିୟ ବିଶ୍ଵ ଶାନ୍ତି ମହାଯଜ୍ଞ ଅନୁଷ୍ଠିତ

ଟିଟିଲାଗଡ଼, (ସଞ୍ଜୟ କୁମାର ନାୟକ) : ଉତ୍ତରାୟଣର ପ୍ରାରମ୍ଭ ଦିବସ ମକର ସଂକ୍ରାନ୍ତିର ଶୁଭ ଅବସରରେ ଶକ୍ତିଧାମ ରାଣୀ ସତି ମନ୍ଦିର ଦ୍ଵାରା ୨୦୧ କୁଣ୍ଡିୟ ବିଶ୍ୱ ଶାନ୍ତି ବୈଦିକ ମହାଯଜ୍ଞ ସ୍ଥାନୀୟ ଜଗନ୍ନାଥ ମନ୍ଦିରରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ନୂଆପଡ଼ା ଜିଲ୍ଲାର ହରିପୁର ଗୁରୁକୁଳର ଆଚାର୍ଯ୍ୟ ଡ. ସୁଦର୍ଶନ ଦେବ ଆସି ମଙ୍ଗଳବାର ପୂର୍ବାହ୍ନ ୯ଟାରୁ ଦିବା ୧ ଘଟିକା ଯାଏଁ ଏହି ବିଶ୍ଵ ଶାନ୍ତି ବୈଦିକ ମହାଯଜ୍ଞ ମନ୍ତ୍ର ଉଚ୍ଚାରଣରେ ସମ୍ପନ୍ନ ହୋଇଛି । ଏହି ମହାଯଜ୍ଞରେ ଆଖପାଖ ଅଞ୍ଚଳର ବହୁ ଦମ୍ପତି ହୋମରେ ବସିଥିଲେ । ତନ୍ମଧ୍ୟରୁ ଟିଟିଲାଗଡ଼ ବ୍ରାହ୍ମଣ ସମାଜର ସଭାପତି ସୁବୋଧ ଦାସ ଓ ସପତ୍ନୀ, ପ୍ରେମ ଜୈନ ଓ ସପତ୍ନୀଙ୍କ ସମେତ ଅନ୍ୟାନ୍ୟ ବହୁ ଦମ୍ପତି ଏହି ଯଜ୍ଞରେ ବସିଥିଲେ । ଏହି ହୋମ ଯଜ୍ଞ ଚାଲିଥିବା ମନ୍ତ୍ର ଉଚ୍ଚାରଣରେ ଅଞ୍ଚଳରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା ।