ବଲାଙ୍ଗିର, (କେପିଏନ୍ଏସ୍) : କୋଭିଡ଼ ୱାରିଅର୍ ବଲାଙ୍ଗିର ହେଲ୍ପ ଲାଇନ ଖୋଲି ସେବା ଯୋଗାଉଛନ୍ତି ବୀରସେନ । ବଲାଙ୍ଗିର ମୋନହରପୁର ପୋଲିସ କଲୋନୀ ବାସିନ୍ଦା ବୀରସେନ ସାହୁ କରୋନା ଯୋଦ୍ଧା ଭାବରେ ଲୋକଙ୍କ ପାଇଁ ସେବା ଯୋଗାଇ ଦେଇ ଆସିଛନ୍ତି । କରୋନାର ପ୍ରଥମ ଲହରରେ ଲୋକମାନଂକୁ ସେବା ଯୋଗେଇ ଆସୁଥିଲେ । କରୋନାର ଦ୍ୱତୀୟ ଲହରରେ ମଧ୍ୟ ଅକ୍ସିଜେନ୍, ପ୍ଲାଜ୍ମା, ବେସରକାରୀ ଆମ୍ବୁଲାନ୍ସ ତଥା ଔଷଧ ମାଗଣାରେ ଯୋଗାଇ ଦେବା ସହ କରୋନା ରୋଗୀଙ୍କ ସମ୍ପର୍କୀୟ ମାନଙ୍କୁ ରନ୍ଧା ଖାଦ୍ୟ ଯୋଗାଉଥିବା ଜଣାପଡ଼ିଛି ।
ସେ ଏକ ହ୍ୱାଟ୍ସଅପ ଗ୍ରୁପ COVID WARRIOR BOLANGIR ହେଲ୍ପ ଲାଇନ ଖୋଲି ୨୪ X ୭ ସମସ୍ତଙ୍କୁ ସେବା ଯୋଗାଇ ଚର୍ଚ୍ଚାର ପରିସରକୁ ଆସିଛନ୍ତି । ତାଙ୍କର ଏହି ମହତ କାର୍ଯ୍ୟରେ ମୋନାଲିସା ମହାନ୍ତି, ବିକ୍ରମ ତ୍ରିପାଠୀ, ଆଶୀର୍ବାଦ ସାହୁ, ନୂତନ ଦାସ, ବିଶ୍ୱଜିତ ନାୟକ, ଅକ୍ଷୟ ପୁଟେଲ ସହଯୋଗ କରୁଛନ୍ତି । ଆଗକୁ ମଧ୍ୟ ସେ ସମାଜରେ କିଛି ନୂତନ ପ୍ରକାରର ସେବା ଯୋଗେଇବେ ବୋଲି କହିଛନ୍ତି ।
