ଲୋଇସିଂହା, (ବିମଳେନ୍ଦୁ ସାହୁ) : କେନ୍ଦ୍ର ସରକାରଙ୍କ ବିଭିନ୍ନ ଜନହିତକର ଯୋଜନାର ସଫଳତା ତଥା ଉପଲବ୍ଧିକୁ ପାଥେୟ କରି ଶହୀଦ ବିର୍ସା ମୁଣ୍ଡା ଜୟନ୍ତୀରୁ ଆରମ୍ଭ ହୋଇଥିବା ବିକଶିତ ଭାରତ ସଂକଳ୍ପ ଯାତ୍ରା ଆଜିଠାରୁ ଲୋଇସିଂହା ବ୍ଲକର ମାଗୁରବେଡା ପଞ୍ଚାୟତରେ ପହଞ୍ଚିଥିଲା । ମାଗୁରବେଡା ସରପଞ୍ଚ ସଞ୍ଜୟ ଗଡତ୍ୟାଙ୍କ ତତ୍ତ୍ଵାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ବିଧାୟକ ଡ. ମୁକେଶ ମହାଲିଙ୍ଗ ଯୋଗ ଦେଇଥିବା ବେଳେ ନିର୍ବାହୀ ଅଧିକାରୀ ଅକ୍ଷୟ କୁମାର ଦଳେଇ, ପିଏ ରାଜେନ୍ଦ୍ର ବାବୁ ପ୍ରମୁଖ ଉପସ୍ଥିତ ଥିଲେ । ଏହି ଅବସରରେ ରାଷ୍ଟ୍ରୀୟ ସଂହତି ତଥା ପ୍ରଗତି ସକାଶେ ଉପସ୍ଥିତ ଅତିଥି ତଥା ଜନସାଧାରଣଙ୍କୁ ବିଧାୟକ ଡ. ମହାଲିଙ୍ଗ ଶପଥ ପାଠ କରାଇଥିଲେ । ଭ୍ରାମ୍ୟମାଣ ଯାନରେ ଭିଡିଓ ସୋ ଜରିଆରେ କେନ୍ଦ୍ର ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନା ତଥା ସେଗୁଡ଼ିକର ରୂପରେଖ ବାବଦରେ ଉପସ୍ଥିତ ସାଧାରଣ ଜନତାଙ୍କୁ ଅବଗତ କରାଯାଇଥିଲା । ଏଥିରେ ବିଭିନ୍ନ ସ୍ୱୟଂ ସହାୟିକା ଗୋଷ୍ଠୀ ସଦସ୍ୟାଙ୍କ ସମେତ ପଞ୍ଚାୟତ କର୍ମଚାରୀ ତଥା ସାଧାରଣ ଜନତା ଉପସ୍ଥିତ ଥିଲେ । ପରିଶେଷରେ ସରପଂଚ ସଞ୍ଜୟ ଗଡତ୍ୟା ଧନ୍ୟବାଦ ଅର୍ପଣ କରିଥିଲେ ।
