ରାଉରକେଲା, (ସସ୍ମିତା ପ୍ରଧାନ) : ଗତ ହୀରାକୁଦ ହିଣ୍ଡାଲକୋ ପ୍ଲାଣ୍ଟର ଶ୍ରମିକ ସଂଗଠନର ସ୍ବୀକୃତି ନିର୍ବାଚନରେ ହିନ୍ଦ୍ ମଜଦୁର ସଭା ସମର୍ଥିତ ହିଣ୍ଡାଲକୋ ହୀରାକୁଦ ଏଫ୍ଆର୍ପି ୱାକର୍ସ ଏମ୍ପଏଲ୍ଇଜ ୟୁନିୟନ ପ୍ରତିପକ୍ଷ ବିଏମ୍ଏସ୍ ସମର୍ଥିତ ହିଣ୍ଡାଲକୋ ଏଫ୍ଆର୍ପି ୱାର୍କର୍ସ ଏମ୍ପଏଲ୍ଇଜ୍ ୟୁନିୟନକୁ ପରାଜିତ କରିଛି । ଏଥିସହିତ ହିଣ୍ଡାଲକୋ ହୀରାକୁଦ ଏଫ୍ଆର୍ପି ୱାକ୍ସର୍କ ଏମ୍ପଏଲ୍ଇଜ୍ ୟୁନିୟନ୍ ସ୍ବୀକୃତି ପ୍ରାପ୍ତ ୟୁନିୟନ ଭାବରେ ନିର୍ବାଚିତ ହୋଇଛି । ଏହି ନିର୍ବାଚନରେ ହିନ୍ଦ୍ ମଜଦୁର ସଭା ସମର୍ଥିତ ହିଣ୍ଡାଲକୋ ହୀରାକୁଦ ଏଫ୍ଆର୍ପି ୱାକ୍ସର୍କ ଏମ୍ପଏଲ୍ଇଜ୍ ୟୁନିୟନ୍କୁ ମୋଟ ୨୨୫ ଶ୍ରମିକଙ୍କ ମଧ୍ୟରୁ ୧୪୨ ଖଣ୍ଡ ତଥା ୬୬% ଭୋଟ ପାଇ ବିଜୟୀ ହୋଇଥିବା ସମୟରେ ପ୍ରତିପକ୍ଷ ୟୁନିୟନ ମାତ୍ର ୭୬ ଖଣ୍ଡ ତଥା ୩୪% ଭୋଟ ପାଇଛି । ୭ ଜଣ ଶ୍ରମିକ ଭୋଟ ଦେବାରୁ ବିରତ ରହିଥିଲେ । ଏହି ନିର୍ବାଚନରେ ହିନ୍ଦ୍ ମଜଦୁର ସଭା ସମର୍ଥିତ ୟୁନିୟନର ବିଜୟୀ ହୋଇଥିବାରୁ ରାଉରକେଲା ମଜଦୁର ସଭାର ସଭାପତି ଶଶଧର ନାୟକ, ସାଧାରଣ ସମ୍ପାଦକ ଅକ୍ଷୟ କୁମାର ନାୟକ, ରାଜ୍ୟ ହିନ୍ଦ୍ ମଜଦୁର ସଭାର କାର୍ଯ୍ୟକାରୀ ସଭାପତି ବୈଦ୍ୟନାଥ ଦାସ, ଉପସଭାପତି ଗୁଣନିଧି ବଳ ସର୍ବ ପ୍ରଥମେ ହିଣ୍ଡାଲକୋ ହୀରାକୁଦ ପ୍ଲାଣ୍ଟର ସମସ୍ତ ଶ୍ରମିକ କର୍ମଚାରୀ ଭଉଣୀ ଭାଇମାନଙ୍କୁ ହାର୍ଦ୍ଦିକ ଶୁଭେଚ୍ଛା ଓ ଅଭିନନ୍ଦନ ଜଣାଇବା ସଂଗେ ସଂଗେ ବରିଷ୍ଠ ଶ୍ରମିକ ନେତା ରାଜ୍ୟ ହିନ୍ଦ୍ ମଜଦୁର ସଭାର କାର୍ଯ୍ୟକାରୀ ସଭାପତି ବିଜୟ କୁମାର ମହାନ୍ତି, ଉପସାଧାରଣ ସମ୍ପାଦକ ଗୋକୁଳ ମେହେର, ସଂଗଠନର ଉପଦେଷ୍ଟା ତଥା ରାଜ୍ୟ ସମ୍ପାଦକ ସଂଜିତ ମହାନ୍ତି ଓ ସଂଗଠନର ସଭାପତି ମହମ୍ମଦ ମୁତ୍ବୁଜାଙ୍କୁ ଧନ୍ୟବାଦ ଜଣାଇଛନ୍ତି ।