ରେଙ୍ଗାଲି କ୍ୟାମ୍ପ : ଅତାବିରା ବ୍ଲକ ନିଲେଇପାଲି ବୀଣାପାଣି ଯୁବକ ସଂଘ ଆନୁକୂଲ୍ୟରେ ୨୬ତମ ନିଲେଇପାଲି ବୀଣାପାଣି କପ ଏକ ଦିବସୀୟ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ଏଥିରେ ଜିଲ୍ଲାସ୍ତରୀୟ ଦଳ ବରଗଡ଼ ଉନାଇଟେଡ଼, ଝାରସୁଗୁଡା, ସୁନ୍ଦରଗଡ, ରେଙ୍ଗାଲି ଏଫ ସି, ସମ୍ବଲପୁର ୧୧, ସୋନପୁର, ସରସମାଲ ଏବଂ ଦିୱାନା ସ୍ପୋଟିଂ ଆଦି ୮ଟି ଦଳ ଅଂଶଗ୍ରହଣ କରିଥିଲେ । ଏଥିରେ ଝାରସୁଗୁଡା ଓ ଦିୱାନା ସ୍ପୋଟିଂ ମଧ୍ୟରେ ଫାଇନାଲ ଖେଳ ହେଇଥିଲା ଏବଂ ଦିୱାନା ସ୍ପୋଟିଂ ଦଳ ୧-୦ ଗୋଲରେ ବିଜୟୀ ହୋଇଥିଲା । ଦଳ ପକ୍ଷରୁ ଶ୍ରୀକାନ୍ତ ବିଜୟ ଗୋଲ କରିଥିଲେ । ଏଥିରେ ମୁଖ୍ୟ ଅତିଥି ଅତାବିରା ବିଧାୟିକା ସ୍ନେହାଙ୍ଗିନୀ ଛୁରିଆ, ଲହଣ୍ଡା ସରପଞ୍ଚ ଅର୍ଜୁନ ନାୟକ, ଡାକ୍ତର ଚିତ୍ତରଞ୍ଜନ ଜେନା, ଖିରେଶ୍ୱର ବେହେରା ପ୍ରମୁଖ ଉପସ୍ଥିତ ଥିଲେ । ଟୁର୍ଣ୍ଣାମେଣ୍ଟରେ ବିଜୟ ଦଳକୁ ନଗଦ ଦଶ ହଜାର ଟଙ୍କା ସହିତ ଟ୍ରଫି ଏବଂ ରନର୍ସ ଅପ ଦଳକୁ ନଗଦ ଛଅ ହଜାର ଟଙ୍କା ଓ ଟ୍ରଫି ପ୍ରଦାନ କରାଯାଇଥିଲା । ଶ୍ରେଷ୍ଠ ଖେଳାଳି ରୂପେ ଦିୱାନା ସ୍ପୋଟିଂର ଶ୍ରୀକାନ୍ତ, ଶ୍ରେଷ୍ଠ କ୍ଷେତ୍ର ରକ୍ଷକ ଝାରସୁଗୁଡା ଦଳର ବିକି, ଶାନ୍ତି ଶୁଙ୍ଖଳା ପାଇଁ ସୋନପୁର ଦଳ ଏବଂ ନିଲେଇପାଲି ଗ୍ରାମର ଟିକେଶ୍ୱର ସେଟ ଓ ପଦ୍ମଲୋଚନ ସାହୁଙ୍କୁ ପୁରସ୍କୃତ କରାଯାଇଥିଲା ।