- ଅଞ୍ଚଳରେ ଶୋକ ଛାୟା
ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ବ୍ଲକ ପଲସାପାଲି ଗ୍ରାମ ପଞ୍ଚାୟତ ସମାରପାଲି ଗ୍ରାମର ଜଣେ ଜଣାଶୁଣା ପରିଚିତ ବ୍ୟକ୍ତି ତଥା ଗନ୍ଧମାର୍ଦ୍ଦନ ସୁରକ୍ଷା ଯୁବ ପରିଷଦର ପୂର୍ବତନ ଆବାହକ ତଥା ସଂଗ୍ରାମୀ ନେତା ରାହାସ ବିହାରୀ ସାହୁଙ୍କ ପିତା ରାମଚନ୍ଦ୍ର ସାହୁଙ୍କ ପରଲୋକ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୮୦ ବର୍ଷ ବୟସ ହୋଉଥିଲା । ସ୍ୱର୍ଗତ ସାହୁ ଜଣେ ବ୍ୟବସାୟୀ, ଭଗବତ ପ୍ରେମୀ, ମେଳାପି, ଧର୍ମପରାୟଣ, ପରୋପକାରୀ ବ୍ୟକ୍ତି ଭାବେ ଅଞ୍ଚଳରେ ବେଶ ପରିଚିତି ଥିଲେ । ତାଙ୍କର ମୃତ୍ୟୁ ବେଳକୁ ତାଙ୍କ ଧର୍ମପତ୍ନୀ ବେଲମତୀ ସାହୁ, ୪ ପୁଅ ରାହାସ ବିହାରୀ ସାହୁ, ବିଦ୍ୟାଧର ସାହୁ, ଖଗେଶ୍ୱର ସାହୁ, କର୍ପୁଚନ ସାହୁ ଓ ବୋହୂ ନାତି ନାତୁଣୀ ଉପସ୍ଥିତ ଥିଲେ । ଜଣେ ସଂଗ୍ରାମୀଙ୍କ ପିତୃ ବିଯୋଗରେ ଅଞ୍ଚଳରେ ଶୋକର ଛାୟା ଖେଳିଯାଇଛି । ସମାରପାଲି ଗାଁରେ ଶତାଧିକ ଲୋକଙ୍କ ଗହଣରେ ତାଙ୍କ ଶେଷକୃତ୍ୟ ସମ୍ପନ୍ନ ହୋଇଥିଲା । ତାଙ୍କର ବଡ଼ ପୁଅ ରାହାସ ବିହାରୀ ସାହୁ ମୁଖାଗ୍ନି ଦେଇଥିଲେ । ତାଙ୍କର ବିୟୋଗରେ ବରଗଡ ସାଂସଦ ପ୍ରଦୀପ ପୁରୋହିତ ଶୋକ ପ୍ରକାଶ କରିବା ସହ ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି । ଗନ୍ଧମାର୍ଦ୍ଦନ ସୁରକ୍ଷା ଯୁବ ପରିଷଦ ଆବାହକ ଦୁର୍ଯ୍ୟୋଧନ ପୁଟା, ପୂର୍ବତନ ଆବାହକ ଭୀଷ୍ମଦେବ ପଟେଲ, ସୁରେଶ ଚନ୍ଦ୍ର ପ୍ରଧାନ, ଦୀନବନ୍ଧୁ ସାହୁ, ବିଶିକେସନ ସାହୁଙ୍କ ସହ ଅଞ୍ଚଳର ଗଣ୍ୟମାନ୍ୟ ବ୍ୟକ୍ତି ଶେଷ ଦର୍ଶନ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।