ରାଇରଙ୍ଗପୁର : ବିଦ୍ୟୁତ ସଂସ୍ପର୍ଶରେ ଆସି ଜଣେ ବ୍ୟକ୍ତିଙ୍କର ମୃତ୍ୟୁ ଏଭଳି ଏକ ଅଭାବନୀୟ ଘଟଣା ଘଟିଛି ମୟୁରଭଞ୍ଜ ଜିଲ୍ଲା ବାଦାମପାହାଡ ଥାନା ଅଧିନରେ ଥିବା ଝିପାବନ୍ଧ ଗ୍ରାମରେ । ସୂଚନାନୁସାରେ ଝିପାବନ୍ଧ ଗାଁର ରାଜାରାମ ହେମ୍ବ୍ରମ (୫୦) ନିଜ ଘରେ ବିଦ୍ୟୁତ ମରାମତି କରୁଥିଲେ । ନିଜର ଅସାବଧାନତା କାରଣରୁ ବିଦ୍ୟୁତ ସଂସ୍ପର୍ଶରେ ଆସି ଘଟଣାସ୍ଥଳରେ ତାଙ୍ଙ୍କ ମୃତ୍ୟୁ ଘଟିଥିଲା । ଖବର ପାଇ ବାଦାମପାହାଡ ଥାନା ପୋଲିସ ପହଞ୍ଚି ଉକ୍ତ ମୃତଦେହକୁ ଜବଦ କରି ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟକୁ ବ୍ୟବଚ୍ଛେଦ ପାଇଁ ପଠାଇଥିଲେ ଏବଂ ଏହାର ଅଧିକ ତଦନ୍ତ ଚଳାଇଛନ୍ତି ।