ବିଗତ ବିଜେଡି ସରକାରର ଦୁର୍ନୀତିକୁ ଲୁଚାଇବା ପାଇଁ ବିଧାୟିକାଙ୍କ ପ୍ରଶ୍ନ ପଚାରିବା ହାସ୍ୟାସ୍ପଦ : ଯୁବ ନେତା ପ୍ରୀତେଶ ବହିଦାର

ବରଗଡ଼, (ନିରୋଜ କୁମାର ପାଣୀ) : ପଶ୍ଚିମ ଓଡ଼ିଶାର ପ୍ରସିଦ୍ଧ ତୀର୍ଥକ୍ଷେତ୍ର ନୃସିଂହନାଥ ପୀଠର ବିକାଶ ପାଇଁ ଭାରତୀୟ ଜନତା ପାର୍ଟି ସଦାସର୍ବଦା ଚେଷ୍ଟା କରିଆସିଛି। ପ୍ରଦୀପ ପୁରୋହିତ ବିଧାୟକ ଥିବା ସମୟରେ ତାଙ୍କ ଅନୁରୋଧ କ୍ରମେ କେନ୍ଦ୍ର ସରକାରରେ ତତ୍କାଳୀନ ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦେଇଥିବା ଆଇଓସିଏଲ ଅନୁଦାନପାଣ୍ଠିରୁ ୧କୋଟି ଟଙ୍କାର ବିନିମୟରେ ଅତିଥି ଭବନ ନିର୍ମାଣ ହୋଉଛି । ଭାରତୀୟ ଜନତା ପାର୍ଟି ସରକାରଙ୍କ ତରଫରୁ ବହୁ ବିକାଶଶୀଳ ଯୋଜନା ହାତକୁ ନିଆଯାଇଥିବା ବେଳେ ମାତ୍ର ୯ ମାସ ମଧ୍ୟରେ ନୃସିଂହନାଥ ପୀଠର ବିକାଶ ପାଇଁ ଡିପିଆର ପ୍ରସ୍ତୁତି ଚାଳିବ ସହ ବୈଶାଖ ମେଳା ପାଇଁ ମଧ୍ୟ ଆଲୋଚନା ଚାଲିଛି । ବିଗତ ଦିନରେ ଯାହାକୁ ନେଇ ପଦ୍ମପୁର ବିଧାୟିକା ଅବାଞ୍ଛିତ ପ୍ରଶ୍ନ ବିଧାନସଭାରେ ଉଠାଇଥିବା ବେଳେ ବିଜେଡି ସରକାରର ସମୟରେ ୨୨କୋଟି ବ୍ୟୟ ଅଟକଳରେ ତିଆରି ହୋଇଥିବା ନୂଆ ଯାତ୍ରୀ ବିଶ୍ରାମ ଗୃହ ଓ କାର୍ଯ୍ୟାଳୟ ଶୁଭାରମ୍ଭ ହେବା ପୂର୍ବରୁ ପାଣି ଗଲିବା ଓ ବ୍ୟବହାର ଅଯୋଗ୍ୟ ହୋଇପଡିଛି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ବିଗତ ବିଜେଡି ସରକାର ଉପରେ ବହୁତ ଟଙ୍କାର ପିସି କରବାର ହୋଇଛି ବୋଲି ଜନ ଅସନ୍ତୋଷ ବୃଦ୍ଧି ପାଇଛି ସେଥିପ୍ରତି ପଦ୍ମପୁର ବିଧାୟିକା ତଦନ୍ତ କରିବା କିମ୍ବା ନିମ୍ନମାନର କାମକୁ ନେଇ ବିଧାନସଭାରେ ପ୍ରଶ୍ନ ଉଠାଇବା ବଦଳରେ ମୋହନ ମାଝିଙ୍କ ସରକାର ନୃସିଂହନାଥ ପୀଠ ପ୍ରତି ଗୁରୁତ୍ୱ ଦେଇନଥିବା କହିଛନ୍ତି ଯାହା ହାସ୍ୟାସ୍ପଦ କଥା । ଗତ ୨୪ ବର୍ଷ ଭିତରେ ବିଜେଡି ସରକାର କେଉଁ ଭଲି ନୃସିଂହନାଥ ପୀଠର ବିକାଶ କରିଛି ଓ ସରକାରୀ ପାଣ୍ଠିର ଅପବ୍ୟବହାର କରି କେତେ ଟଙ୍କାର ପିସି କରବାର ହୋଇଛି ତାକୁ ନେଇ ନିଜେ ଖୋଦ ବିଧାୟିକା ପ୍ରଥମେ ଆତ୍ମସମୀକ୍ଷା କରନ୍ତୁ ତା’ପରେ ଯାଇ ବିଧାନ ସଭାରେ ପ୍ରଶ୍ନ ଉଠାନ୍ତୁ ବୋଲି ଯୁବ ନେତା ପ୍ରୀତେଶ ବହିଦାର ପ୍ରେସ ବାର୍ତ୍ତା ମାଧ୍ୟମରେ ପ୍ରଶ୍ନ ଉଠାଇଛନ୍ତି ।