ରାଉରକେଲା, (ସସ୍ମିତା ପ୍ରଧାନ) : ସେକ୍ଟର ୪ ସ୍ଥିତ ରାଉରକେଲା କଲେଜରେ ଶେଷ ବର୍ଷ ଓଡିଆ ଛାତ୍ରଛାତ୍ରୀ ୨୦୧୯-୨୦୨୨ ବ୍ୟାଚଙ୍କ ଉଦ୍ଦେଶ୍ୟରେ ଏକ ବିଦାୟ ସମ୍ବର୍ଦ୍ଧନା କାର୍ଯ୍ୟକ୍ରମ ‘ଏକ ପତ୍ରଝରା ଋତୁ’ କଲେଜ ପରିସରରେ ଅନୁଷ୍ଠିତ ହୋଇଯାଇଛି । ମହାବିଦ୍ୟାଳୟର ଓଡିଆ ବିଭାଗ ଦ୍ୱାରା ଆୟୋଜିତ ଏହି କାର୍ଯ୍ୟକ୍ରମରେ ମହାବିଦ୍ୟାଳୟର ଅଧ୍ୟକ୍ଷା ପ୍ରଫେସର ସୁଜାତା ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମକୁ ଉଦ୍ଘାଟନ କରିବା ସହ ଆଶୀର୍ବଚନ ପ୍ରଦାନ କରିଥିଲେ । ସୁଶ୍ରୀ ଅନପୂର୍ଣ୍ଣା ବିଶ୍ୱାଳଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ବିଭାଗୀୟ ମୁଖ୍ୟ ଅଧ୍ୟାପିକା ରଶ୍ମିପ୍ରଭା ମଥାନ, ବରିଷ୍ଠ ଅଧ୍ୟାପକ କରୁଣାକର ପାଟ୍ଟଶାଣୀ, ଅଧ୍ୟାପକ ବନବିହାରୀ କିଶାନ, ଡଃ ଅରବିନ୍ଦ ଦାସ ଓ ଅଧ୍ୟାପିକା ସ୍ୱପ୍ନାମୟୀ ହୋତା ଅତିଥି ଭାବେ ଯୋଗଦେଇ ଆଶୀର୍ବଚନ ପ୍ରଦାନ କରିବା ସହ ବିଦାୟୀ ଛାତ୍ର ଛାତ୍ରୀଙ୍କୁ ଶୁଭକାମନା ଜଣାଇଥିଲେ । ପ୍ରାରମ୍ଭରେ କବିତା ହରିପାଲ, ପୂଜାରାଣୀ ମହାପାତ୍ର, ଅନୁଶ୍ରୀ ଦାସ, ଦିପିକା ଦାସ, ସୁମନ ମୁଣ୍ଡାରୀ ସ୍ବାଗତ ସଂଗୀତ ଗାନ କରିଥିବା ବେଳେ ଦ୍ବିତୀୟ ବର୍ଷର ଛାତ୍ରଛାତ୍ରୀମାନେ ମହାବିଦ୍ୟାଳୟର ଅଭିଜ୍ଞତା ସହ ସ୍ମୃତି ଚାରଣ କରିଥିଲେ । ବିଦାୟୀ ସମ୍ବର୍ଦ୍ଧନାର ପ୍ରତ୍ୟୁତ୍ତରରେ ଶୁଭଶ୍ରୀ ପାତ୍ର, ସୋନିଆ ବୁଡ, ବବି ତୂରୀ, ବିଶ୍ୱଜିତ ବାରିକ, ଭାଗ୍ୟଶ୍ରୀ ସାହୁ, ପ୍ରିତୀ ସିଂହ, ଲିପ୍ସାମୟୀ ଧଳ, ସୁଶ୍ରୀ ପୁଷ୍ପାଞ୍ଜଳି, ସନ୍ତୋଷ ଗୌଡ ପ୍ରମୁଖ ନିଜର ଅଭିଜ୍ଞତା ଓ ସ୍ମୃତି ଚାରଣ କରିଥିଲେ । ଦ୍ୱିତୀୟ ପର୍ଯ୍ୟାୟରେ କବିତା ପାଠ, ନୃତ୍ୟ ଆଦି ସାଂସ୍କୃତିକ କାର୍ଯ୍ୟକ୍ରମ କରାଯାଇଥିଲା । ଏହି କାର୍ଯ୍ୟକ୍ରମ ପରିଚାଳନାରେ ରୁପେଶ ଗୋପ, ଅଶୋକ କିଶାନ, ସୁବ୍ରତ ନାୟକ, ସମୀର ବିଶ୍ବାଳ, ଅନିତା ଜଗଦେବ ପ୍ରମୁଖ ସହଯୋଗ କରିଥିଲେ ।