ଦେଓଗାଁ, (କେପିଏନ୍ଏସ୍) : କରୁଆଝର ଗାଁରେ ସିକୁଆଁ ଆଞ୍ଚଳିକ କୁଲତା ସମାଜ ପକ୍ଷରୁ ରଣେଶ୍ୱର ରାମଚଣ୍ଡୀ ମନ୍ଦିର ନିର୍ମାଣ ପାଇଁ ସୋମବାର ଭୂମିପୂଜା କରାଯାଇଛି । ଏଥିରେ ସୁରେଶ ଭୋଇ ସପତ୍ନିକ କର୍ତ୍ତା ଥିଲେ । ଗ୍ରାମ୍ୟ କମିଟି ସମ୍ପାଦକ ଅନ୍ତର୍ଯ୍ୟାମୀ ଭୋଇଙ୍କ ସଭାପତିତ୍ୱରେ ଏକ ସଭା ଅନୁଷ୍ଠିତ ହୋଇଥିଲା । ସିକୁଆଁ ଆଞ୍ଚଳିକ ସମାଜର ସଭାପତି ଶିବରାମ ବିଶ୍ୱାଳ, ଅଗସ୍ତି ଭୋଇ, ପ୍ରେମାନନ୍ଦ ଭୋଇ, ସୁବାଷ ବିଶ୍ୱାଳ ଯୋଗ ଦେଇଥିଲେ । ସୁଶାନ୍ତ ସାହୁ ଧନ୍ୟବାଦ ଅର୍ପଣ କରିଥିଲେ ।