ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ରାଜବୋଡାସମ୍ବର ବ୍ଲକ ଅନ୍ତର୍ଗତ ବରିହାପାଲି ପଞ୍ଚାୟତର ପତ୍ରାପାଲି ଗ୍ରାମର ଇଲା ଗୁରୁ ଜଣେ ଅତ୍ୟନ୍ତ ଗରିବ ଅସହାୟ ବୃଦ୍ଧା ଅଟନ୍ତି । ବୟସ ପାଖାପାଖି ୬୮ ଟପିଲାଣି ହେଲେ ଏପର୍ଯ୍ୟନ୍ତ ବାର୍ଦ୍ଧକ୍ୟ ଭତ୍ତା ମିଳୁ ନଥିବା ସେ ଅଭିଯୋଗ କରିଛନ୍ତି । ପ୍ରଶାସନ ନିକଟରେ ଅନେକ ଥର ଭତ୍ତା ପାଇବା ପାଇଁ ହାରିଗୁହାରି କରି ନୟାନ୍ତ ହୋଇ ପଡିଲେଣି ହେଲେ ମିଳୁନି ବାର୍ଦ୍ଧକ୍ୟ ଭତ୍ତା । ହେଲେ ପ୍ରଶାସନ କର୍ଣ୍ଣପାତ କରୁନାହିଁ । ସରକାର ଅସହାୟ ଗରିବ ବ୍ୟକ୍ତିମାନଙ୍କ ପାଇଁ ଅନେକ ଯୋଜନା ଉପରେ ଯୋଜନାମାନ ପ୍ରଣୟନ କରୁଛନ୍ତି । କିନ୍ତୁ ପ୍ରକୃତ ଯୋଗ୍ୟ ହିତାଧିକାରୀମାନଙ୍କ ନିକଟରେ ଯୋଜନାମାନ ପହଞ୍ଚି ପାରୁନାହିଁ ବୋଲି ମତ ପ୍ରକାଶ ପାଉଛି । ଗରିବ ଅସହାୟ ବ୍ୟକ୍ତିମାନେ ବାର୍ଦ୍ଧକ୍ୟ ଭତ୍ତା ପାଇବା ପାଇଁ ଆଶା ରଖିଛନ୍ତି । ହେଲେ ତାର ଓଲଟା ହେଉଛି । ବ୍ଲକ ପ୍ରଶାସନ ତଥା ଜିଲ୍ଲା ପ୍ରଶାସନ ଏଥିପ୍ରତି ଦୃଷ୍ଟିଦେଇ ତୁରନ୍ତ ଇଲା ଗୁରୁଙ୍କୁ ବାର୍ଦ୍ଧକ୍ୟ ଭତ୍ତା ପ୍ରଦାନ କରିବାକୁ ଦାବୀ ହେଉଛି ।