ବିଙ୍ଗ୍ ହ୍ୟୁମାନ୍ ଫାଉଣ୍ଡେସେନ୍ର ପ୍ରଶଂସନୀୟ ପଦକ୍ଷେପ : କରୋନା ସଂକ୍ରମିତଙ୍କ ଶବଦାହରେ ଗ୍ରହଣ କରିଛି ଉଲ୍ଲେଖନୀୟ ଭୂମିକା
ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିରର ବିଙ୍ଗ ହ୍ୟୁମାନ୍ ଫାଉଣ୍ଡେସନ୍ର ସଦସ୍ୟମାନଙ୍କ ପ୍ରଶଂସନୀୟ ପଦକ୍ଷେପ ସାମ୍ନାକୁ ଆସିଛି । କରୋନାର ଦ୍ୱିତୀୟ ଲହରୀ ଯୋଗୁଁ ପ୍ରତ୍ୟହ ନିରୀହ ମଣିଷଙ୍କ ମୁଣ୍ଡ ଗଡୁଛି । ଏଭଳି ମହାମାରୀ କାଳରେ କରୋନା ସଂକ୍ରମିତଙ୍କ ଶବ ଛୁଇଁବାକୁ ଲୋକେ ଭୟଭୀତ ହୋଇ ପାଖ ମାଡୁ ନଥିବା ବେଳେ ବିଙ୍ଗ ହ୍ୟୁମାନ୍ ଫାଉଣ୍ଡେସନର ସଦସ୍ୟମାନେ ସମସ୍ତ ପ୍ରକାର ପ୍ରତିଷେଦକ ବ୍ୟବସ୍ଥା ଗ୍ରହଣ କରି ଶବ ସତ୍କାର କାମରେ ଲାଗି ପଡିଛନ୍ତି । ସେମାନଙ୍କ ଏଭଳି ପଦକ୍ଷେପ ସମାଜ ପାଇଁ ଆଜି ଉଦାହରଣ ପାଲଟିଛି । ବିଭିନ୍ନ ମହଲରେ ବିଙ୍ଗ ହ୍ୟୁମାନ ଫାଣ୍ଡେସନର ଏଭଳି ଜନାଭିମୁଖୀ ପଦକ୍ଷେପ ପାଇଁ ପ୍ରଶଂସା କରାଯାଇଛି ।
