ବଲାଙ୍ଗିର, (କେପିଏନ୍ଏସ୍) : ଭୀମଭୋଇ ମେଡିକାଲ କଲେଜ ହସ୍ପିଟାଲରେ ବିସ୍ଫୋରଣ । ବିସ୍ଫୋରଣ ଏତେ ଭୟଙ୍କର ଥିଲା ଯେ ପାଖାପାଖି ୨୪ ଘଣ୍ଟା ପର୍ଯ୍ୟନ୍ତ ପୁରା ହସ୍ପିଟାଲ ପରିସରରେ ବିଦ୍ୟୁତ ସରବରାହ ବନ୍ଦ ରହିଥିଲା । ଫଳରେ ରୋଗୀ ଓ ତାଙ୍କ ସମ୍ପର୍କୀୟ ଅଳ୍ପକେ ବର୍ତ୍ତି ଯାଇଥିବା ବେଳେ ମୋବାଇଲ ଆଳୁଅରେ କରାଯାଉଥିଲା ରୋଗୀ ଚିକିତ୍ସା । ଗତକାଲି ରାତିରେ ସର୍ଜରୀ ୱାର୍ଡ ସମ୍ମୁଖରେ ବିଦ୍ୟୁତ ତାର ସର୍ଟସର୍କିଟ ହୋଇ ବିସ୍ଫୋରଣ ହୋଇଥିବା ବେଳେ ୨୪ ଘଣ୍ଟା ଧରି ହସ୍ପିଟାଲ ପରିସରରେ ବିଦ୍ୟୁତ ସରବରାହ ବନ୍ଦ ରହିଥିଲା । ଅନ୍ୟପଟେ ହସ୍ପିଟାଲରେ ଥିବା ଜେନେରେଟର ମଧ୍ୟ ବନ୍ଦ ହୋଇଯିବାରୁ ଟିକେଟ କାଉଣ୍ଟରରେ ଆଉଟଡୋର ଟିକେଟ ବନ୍ଦ ରହିଥିଲା ଓ ରୋଗୀସେବା ବାଧାପ୍ରାପ୍ତ ହୋଇଥିଲା । ଏହି ଘଟଣାକୁ ନେଇ ରାଜ୍ୟରେ ଚର୍ଚ୍ଚା ଜୋର୍ ଧରିଛି ।