କଣ୍ଟାବାଞ୍ଜି, (ପିତାମ୍ବର ଦୀପ) : କଣ୍ଟାବାଞ୍ଜି ସ୍ଥିତ ପିଏମ୍ ଶ୍ରୀ ବାଳିକା ଉଚ୍ଚ ବିଦ୍ୟାଳୟରେ ବାର୍ଷିକ ଉତ୍ସବ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷକ ଅଶୋକ କୁମାର ତରିଆ ସଭାପତିତ୍ୱ କରିଥିଲେ ଏବଂ ତୁରେକେଲା ଗୋଷ୍ଠୀ ଶିକ୍ଷା ଅଧିକାରୀ ଶାନ୍ତନୁ କୁମାର ପଡ଼ିହାରି ମୁଖ୍ୟ ଅତିଥିଭାବରେ ଯୋଗ ଦେଇଥିଲେ । ତତ୍ ସହିତ କଣ୍ଟାବାଞ୍ଜି କ୍ଲଷ୍ଟର ସାଧନା କେନ୍ଦ୍ର ସଂଯୋଜକ ଦିନେଶ କୁମାର ମହାନନ୍ଦ ମୁଖ୍ୟବକ୍ତା ଥିଲେ । ଉକ୍ତ ବିଦ୍ୟାଳୟର ପୂର୍ବତନ ଶିକ୍ଷକ ନିରଞ୍ଜନ ସାହୁ, ଅଲୁମିନି ପ୍ରେସିଡେଣ୍ଟ ସିମ୍ରନ କୌର ଓ ଏସ୍ଏମ୍ସି ପ୍ରେସିଡେଣ୍ଟ ରଶ୍ମିତା ସାହୁ ସମ୍ମାନିତ ଅତିଥିଭାବରେ ଯୋଗଦେଇଥିଲେ । ବାଗ୍ଦେବୀ ସରସ୍ଵତୀଙ୍କ ପାଖରେ ଦୀପ ପ୍ରଜ୍ୱଳନ କରି କାର୍ଯ୍ୟକ୍ରମଟି ଶୁଭାରମ୍ଭ ହୋଇଥିଲା । ଛାତ୍ରୀମାନଙ୍କ ଦ୍ୱାରା ସ୍ୱାଗତ ସଙ୍ଗୀତ ପରିବେଷଣ ପରେ ପରେ ଅତିଥିମାନଙ୍କ ଦ୍ୱାରା ଅଭିଭାଷଣ ଏବଂ ପୁରସ୍କାର ବିତରଣୀ ହୋଇଥିଲା । ଶିକ୍ଷୟିତ୍ରୀ ତବସୁମ୍ ଜାହାନ ବେଗୁମ୍ ମଞ୍ଚ ପରିଚାଳନା କରିଥିବା ହେଳେ ପରିଶେଷରେ ଶିକ୍ଷକ ସୁଧୀର କୁମାର ସଗ୍ରିଆ ଧନ୍ୟବାଦ ଅର୍ପଣ କରିଥିଲେ ।