ପଦ୍ମପୁର, (ନିରୋଜ କୁମାର ପାଣୀ) : ଜନକେଡ଼ା ସ୍ଥିତ ସେବାଶ୍ରମରେ ଶୀତବସ୍ତ୍ର ଓ ମିଷ୍ଟାନ୍ନ ବଣ୍ଟନ କଲେ ଗାଇସିଲେଟ ଥାନା ଅଧିକାରୀ ବୀରବର ଭଗତ । ସୂଚନା ଯୋଗ୍ୟ ଯେ, ଶ୍ରୀ ଭଗତ ପେଶାରେ ଜଣେ ପୋଲିସ । ହେଲେ କାମରେ ସ୍ୱେଛାସେବୀ । ଯେବେ ବି ସୁଯୋଗ ମିଳିଛି ନିଜ ବ୍ୟସ୍ତ ବହୁଳ ଜୀବନରୁ ସମୟ କାଢି ଲୋକଙ୍କ ସେବା କରନ୍ତି । ଗାଇସିଲେଟ ଥାନା ଅଧିକାରୀ ବୀରବର ଭଗତଙ୍କ ଏ ନିଆରା ଅନ୍ଦାଜ ଅନେକଙ୍କୁ ଆଶ୍ଚର୍ଯ୍ୟ କରିଛି । କେବଳ ନିଜେ ନୁହେଁ ନିଜ ପରିବାରର ସଦସ୍ୟଙ୍କୁ ବି ସମାଜସେବା ପାଇଁ ପ୍ରେରିତ କରନ୍ତି । କାର୍ତ୍ତିକ ପୂର୍ଣ୍ଣିମାରେ ଲୋକେ ଦେବ ଦର୍ଶନ କରି ପୁଣ୍ୟ ଅର୍ଜନ କରୁଥିବା ବେଳେ ବୀରବର ଭଗତ ନିଜ ପରିବାର ସହ ପହଂଚିଥିଲେ ଜନକେଡ଼ା ସ୍ଥିତ ସେବାଶ୍ରମରେ । କଥାରେ ଅଛି ପରା ଶିଶୁଙ୍କ ଭିତରେ ସ୍ଵୟଂ ନାରାୟଣ ଥାଆନ୍ତି ସେହି ନାରାୟଣଙ୍କ ସେବା କରିବାକୁ ଥାନା ବାବୁ ନିଜ ସହଧର୍ମିଣୀ ସୁମତି ଭଗତ, ଝିଅ ଅନୁପମା ଭଗତ ଆଉ ପୁଅ ପୀୟୁଷ ପ୍ରଜ୍ଞା ଭାଗତଙ୍କ ସହ ଏଠାରେ ପହଂଚିଥିଲେ । ଥାନା ଅଧିକାରୀ ଶ୍ରୀ ଭଗତ ଏଠାକାର ଅନ୍ତେବାସୀଙ୍କୁ ଶୀତବସ୍ତ୍ର, କମ୍ବଳ ଓ ମିଷ୍ଟାନ୍ନ ବଣ୍ଟନ କରିବା ସହ ସେମାନଙ୍କ ଉଜ୍ଜ୍ବଳ ଭବିଷ୍ୟତ ପାଇଁ ଆଶୀର୍ବାଦ ମଧ୍ୟ କରିଥିଲେ । ଥାନା ବାବୁଙ୍କ ପରିବାରକୁ ସ୍ୱାଗତ କରିବା ପାଇଁ ସେବାଶ୍ରମର ପିଲାମାନେ ନୃତ୍ୟ ଗୀତ କରିଥିଲେ । ପିଲାମାନଙ୍କ ସହ ସମୟ କାଟି ଭଗତଙ୍କ ପରିବାର ଖୁସି ହୋଇଥିବା ବେଳେ ଭଲ ପାଠ ପଢି ଭଲ ମଣିଷ ହେବାକୁ ସମସ୍ତେ ପିଲାମାନଙ୍କୁ ପରାମର୍ଶ ଦେଇଥିଲେ ।
