ରାଉରକେଲା, (ସସ୍ମିତା ପ୍ରଧାନ) : କୋଏଲ ନଗର ସ୍ଥିତ ଗ୍ରୀନ୍ ପାର୍କଠାରେ ବାର୍ଷିକ ବନ୍ଧୁ ମିଳନ ଅନୁଷ୍ଠିତ ହୋଇଯାଇଛି । କୋଏଲ ନଗର ବାସିନ୍ଦାଙ୍କୁ ନେଇ ଗଠିତ ହୋଇଥିବା ଅନୁଷ୍ଠାନର ସଭାପତି ବିଶିକେଶନ ସୂତାରଙ୍କ ସଭାପତିତ୍ୱ ଓ ସାଧାରଣ ସମ୍ପାଦକ ଦିଲ୍ଲୀପ ପୁହାଣଙ୍କ ଆବାହକତ୍ଵ ତଥା ଶୁଭାକାଂକ୍ଷୀ ଚୌଧୁରୀ, ନଳିନୀ ସୂତାର ଓ ଦିଲ୍ଲୀପ ମହାନ୍ତିଙ୍କ ସଂଯୋଜନାରେ ଆୟୋଜିତ ଏହି ଉତ୍ସବରେ ରାଜ୍ୟ ଶ୍ରମମନ୍ତ୍ରୀ ସାରଦା ପ୍ରସାଦ ନାୟକ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମକୁ ପ୍ରଶଂସା କରିଥିଲେ । ଶ୍ରୀ ନାୟକ ତାଙ୍କ ବକ୍ତବ୍ୟରେ କହିଲେ ଯେ ଜୀବନକୁ ସରସ ସୁନ୍ଦର କରିବା ସହ ଅବସର ବିନୋଦନ ପାଇଁ ବନ୍ଧୁ ମିଳନର ଆବଶ୍ୟକତା ରହିଛି । ପରସ୍ପର ମଧ୍ୟରେ ଭାବ ବିନିମୟ ଓ ମତ ଆଦାନ ପ୍ରଦାନ ଓ ଖେଳକୁଦରେ ମାତି ପରସ୍ପରର ନିକଟତର ହୋଇପାରିବା । ସୁଖ ଦୁଃଖରେ ଭାଗିଦାରୀ ହୋଇପାରିବା । ଏହି ଅବସରରେ ମ୍ୟୁଜିକ ଚେୟାର, ବୁଦ୍ଧିମତା, ନୃତ୍ୟ ସଂଗୀତ ପ୍ରତିଯୋଗିତା ଆଦି କରାଯାଇ ଏଥିରେ କୃତିତ୍ୱ ହାସଲ କରିଥିବା ପ୍ରତିଯୋଗୀଙ୍କୁ ମୁଖ୍ୟ ଅତିଥି ଶ୍ରୀ ନାୟକ ପୁରସ୍କୃତ କରିଥିଲେ । ଏହା ସହ ସାଂସ୍କୃତିକ କାର୍ଯ୍ୟକ୍ରମମାନ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ଦେବେନ୍ଦ୍ର ନାୟକ, ସସ୍ମିତା ପ୍ରଧାନ, କପିଳେଶ୍ୱର ମହାରଣା, ଗୋପିନାଥ ପଟ୍ଟନାୟକ, ପ୍ରେମାନନ୍ଦ ସାମଲ ତଥା ବହୁ ବିଶିଷ୍ଟ ଓ ବରିଷ୍ଠ ବ୍ୟକ୍ତିମାନେ ଉପସ୍ଥିତ ଥିଲେ । ଶେଷରେ ସମସ୍ତେ ସୁସ୍ୱାଦୁ ଖାଦ୍ୟର ମଜ୍ଜା ଉଠାଇଥିଲେ ।