ନୁଆପଡା, (ନିରାକାର ମେହେର) : ନୁଆପଡା ଜିଲ୍ଲା ଖଡିଆଲରେ ଆଜି ୧୨ ଘଣ୍ଟିଆ ବନ୍ଦ ପାଳନ କରାଯାଇଛି । ସାମାଜିକ ଗଣମାଧ୍ୟମରେ ହିନ୍ଦୁ ଦେବାଦେବୀଙ୍କୁ ଅପମାନ ଓ ସହରର ଧାର୍ମିକ ଭାବନାକୁ ଆକ୍ଷେପ କରିବା ପ୍ରତିବାଦରେ ବିଭିନ୍ନ ହିନ୍ଦୁ ସଙ୍ଗଠନ ପକ୍ଷରୁ ଆଜି ଖଡ଼ିଆଳ ସହର ବନ୍ଦ ଡାକରା ଦିଆଯାଇଛି । ପରିବା ବଜାର ଛଡା ସମସ୍ତ ଦୋକାନ ବଜାର ଓ ସରକାରୀ ବେସରକାରୀ ଅନୁଷ୍ଠାନ ବନ୍ଦ ରହିଥିବା ନେଇ ସୂଚନା ମିଳିଛି ।
ସୂଚନାଅନୁଯାୟୀ, ମଙ୍ଗଳବାର ଜଣେ ଅଣ ହିନ୍ଦୁ ଯୁବକ ହିନ୍ଦୁ ଦେବାଦେବୀଙ୍କୁ ଅଶ୍ଳୀଳ ଇଙ୍ଗିତ କରି ସୋସିଆଲ ମିଡିଆରେ ପୋଷ୍ଟ କରିଥିଲେ । ଯାହାକୁ ନେଇ ଗତକାଲି ଖଡ଼ିଆଳ ସହରବାସୀ ଥାନା ଘେରାଉ କରିଥିଲେ । ପରେ ଯୁବକ ଜଣକୁ ଉଠାଇ ଆଣି ଥାନାରେ ଅଟକ ରଖିଥିବା କଥା ଖଡ଼ିଆଳ ପୋଲିସଠାରୁ ସୂଚନା ମିଳିଛି ।