ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ଗନ୍ଧରାବନ୍ଧ ଚାରା ଉତ୍ପାଦନ କେନ୍ଦ୍ରଠାରେ ଆଜି ଭାଲୁମୁଣ୍ଡା ସରସ୍ଵତୀ ଶିଶୁ ବିଦ୍ୟାମନ୍ଦିର ବନବିହାର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ବନବିହାର କାର୍ଯ୍ୟକ୍ରମରେ ଅତିଥି ଭାବେ ବଙ୍ଗୋମୁଣ୍ଡା ଫରେଷ୍ଟର ଚନ୍ଦ୍ରଶେଖର ଦାସ, ଭାଲୁମୁଣ୍ଡା ବଣିକସଙ୍ଘ ଉପସଭାପତି ରାଧେଶ୍ୟାମ ମେହେର, ପ୍ରଧାନ ଗୁରୁଜୀ ଧନଞ୍ଜୟ ଦାସ, ପରିଚାଳନା କମିଟିର ପୂର୍ବତନ ସଂପାଦକ ରବିନ୍ଦ୍ର ବେହେରା, ରଶ୍ମିତା ଦାସ ପ୍ରମୁଖ ଉପସ୍ଥିତ ଥିଲେ । ବନବିହାର ସମୟରେ ସମସ୍ତ ଶିଶୁମାନଙ୍କୁ ନିକଟରେ ଥିବା ଶିବ ମନ୍ଦିର, ସିମେଣ୍ଟ ଫେକଟେରୀ, ଅଗ୍ନିଶମ ବିଭାଗର କାର୍ଯ୍ୟାଳୟକୁ ନେଇ ଦେଖାଇଥିଲେ । ଏଥିରେ ଶିଶୁ ମନ୍ଦିରର ସମସ୍ତ ଗୁରୁଜୀ ଗୁରୁମାମାନେ ପୂର୍ଣ୍ଣମାତ୍ରାରେ ସହଯୋଗ କରିଥିଲେ ।