ରାଉରକେଲା, (ସସ୍ମିତା ପ୍ରଧାନ) : ରାଉରକେଲା ସହରର ଅଗ୍ରଣୀ ସାମାଜିକ ଅନୁଷ୍ଠାନ ଅନ୍ଵେଷା ଦ ହେଲପିଂ ହାଣ୍ଡ ତରଫରୁ ଆଜି ଛେଣ୍ଡ ସ୍ଥିତ ମ୍ୟୁଜିକ ସର୍କଲଠାରେ ବନ ମହୋତ୍ସବ ପାଳନ ହୋଇଛି । ଏହି ଅବସରରେ ସଂସ୍ଥାର ସଭାପତି କଳ୍ପନା ଶତପଥି ସଭାପତିତ୍ୱ କରିଥିଲେ । କାର୍ଯ୍ୟକ୍ରମକୁ ସାଧାରଣ ସମ୍ପାଦିକା ରଶ୍ମିତା ପଣ୍ଡା ପରିଚାଳନା କରିଥିଲେ ଏବଂ ରାଜେନ୍ଦ୍ର ପଣ୍ଡା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ ସମୁଦାୟ ୧୨୦ଟି ଫଳ ଗଛ ଲଗେଇବା ସାଙ୍ଗେ ବଣ୍ଟା ଯାଇଥିଲା ପିଲାମାନଙ୍କୁ ଏଇ ପରିପ୍ରେକ୍ଷୀରେ ଅନୁଷ୍ଠାନର ଉପଦେଷ୍ଟା ଚନ୍ଦ୍ରଶେଖର ଶଥପଥି ଗଛର ଉପକାରିତା ବୁଝେଇଥିଲେ । ଏହି କାର୍ଯ୍ୟକ୍ରମର ମୁଖ୍ୟ ଅତିଥି ବନ ବିଭାଗ ରେଞ୍ଜର ଜ୍ଞାନେନ୍ଦ୍ର ଲିମା ଅନୁଷ୍ଠାନର ଏହି କାର୍ଯ୍ୟକ୍ରମକୁ ଅନେକ ପ୍ରଶଂସା କରିବା ସହିତ ସମସ୍ତଙ୍କୁ ଅଧିକରୁ ଅଧିକ ଗଛ ଲଗାଇବା ପାଇଁ କହିଥିଲେ । ଅନ୍ୟମାନଙ୍କ ମଧ୍ୟରେ କଲ୍ୟାଣୀ ଦାସ, ଦିବାକର ଦାସ, ତରୁଲତା ସାମଲ, ବାବାଜୀ ବିଶ୍ୱାଳ, ସ୍ନେହାଞ୍ଜଳି ନାୟକ ସୁଦେଶନା ରାଣୀ ରାଉତ, ବିବେକ ପଣ୍ଡା ଏବଂ ସତ୍ୟ ରଞ୍ଜନ ମିଶ୍ର କାର୍ଯ୍ୟକ୍ରମରେ ସାହାଯ୍ୟ କରିଥିଲେ ।