ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲା ସଇଁନ୍ତଲା ନିକଟସ୍ଥ ବରଗାଁ ଛକରୁ ଏକ ବଜ୍ରକାପ୍ତା ଜବତ୍ ହୋଇଥିବା ବେଳେ ଏହି ମାମଲାରେ ଜଣେ ଗିରଫ୍ ହୋଇଛି । ଭୁବନେଶ୍ୱର ଏସ୍ଟିଏଫ୍ ଟିମ୍ ଓ ବଲାଙ୍ଗିର ବନାଞ୍ଚଳ କର୍ମଚାରୀ ମାନେ ମିଳିତ ଭାବେ ଚଢ଼ାଉ କରି ବରଗାଁ ଛକରେ ବଜ୍ରାକାପ୍ତାଟିକୁ ଉଦ୍ଧାର କରିଛନ୍ତି । ବଜ୍ରକାପ୍ତା ଚୋରା ଚାଲାଣ ଅଭିଯୋଗରେ ଜଣକୁ ଗିରଫ୍ କରାଯାଇଛି । ଗିରଫ୍ ଅଭିଯୁକ୍ତ ଜଣକ ହେଲେ ବଲାଙ୍ଗିର ଜିଲ୍ଲା ଲରମ୍ଭା ନିକଟସ୍ଥ ତମିଆଁ ଗାଁର ଅଜିତ କୁମାର ବୁଡେ଼କ ଜବତ୍ ବଜ୍ରକାପ୍ତା ଓ ଗିରଫ୍ ଅଭିଯୁକ୍ତ ବଲାଙ୍ଗିର ବନାଞ୍ଚଳ କରିଡ଼ରରେ ରଖାଯାଇଥିବା ସୂଚନାରେ କୁହାଯାଇଛି । ଉଦ୍ଧାର ହୋଇଥିବା ବଜ୍ରାକାପ୍ତାର ଆବଶ୍ୟକୀୟ ସ୍ୱାସ୍ଥ୍ୟ ପରୀକ୍ଷା ପରେ ଜଙ୍ଗଲରେ ଛାଡ଼ି ଦିଆଯିବ ବୋଲି ଡିଏଫ୍ଓ ନୀତିଶ କୁମାର ସୂଚନା ଦେଇଛନ୍ତି । ଅଭିଯୁକ୍ତ ଏକ ଅଖାରେ ବଜ୍ରାକାପ୍ତାକୁ ଭରିରଖିଥିବା ବେଳେ ବରଗାଁ ଛକରେ ଏସ୍ଟିଏଫ୍ ଟିମ୍ ଓ ବନାଞ୍ଚଳ କର୍ମଚାରୀଙ୍କ ହାତରେ ଧରାପଡ଼ିଥିଲା ।