ବଲାଙ୍ଗିର, (ଦେବାଶିଷ ମଶ୍ର) : ସ୍ଥାନୀୟ ସାମ୍ବାଦିକ ଭବନଠାରେ ବଲାଙ୍ଗିର ଜିଲ୍ଲା ସରପଞ୍ଚ ସଂଘର ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଅନୁଷ୍ଠିତ ସରପଞ୍ଚ ସଂଘର ନୂତନ କର୍ମକର୍ତ୍ତା ଚୟନ କରାଯାଇଥିଲା । ସରପଞ୍ଚ ସଂଘର ସଭାପତି ବଳଦେବ ସାହୁଙ୍କ ଆହ୍ୱାନ କ୍ରମେ ଏଥିରେ ଜିଲ୍ଲାର ୧୪ଟି ବ୍ଲକର ସରପଞ୍ଚ ସଂଘର ସଭାପତି, ସମ୍ପାଦକ ଓ ଅନ୍ୟାନ୍ୟ କର୍ମକର୍ତ୍ତା ମାନେ ଉପସ୍ଥିତ ଥିଲେ । ବୈଠକରେ ମୁଖ୍ୟ ଅତିଥି ଭାବେ ପୂର୍ବତନ ସରପଞ୍ଚ ସଂଘ ସଭାପତି ଘାସିରାମ ବେହେରା ଯୋଗଦେଇଥିଲେ । ସମ୍ମାନୀତ ଅତିଥି ଭାବରେ ଓଡିଶା ସରପଞ୍ଚ ସଂଘର କାର୍ଯ୍ୟକାରିଣୀ ସଭାପତି ହରି ନାରାୟଣ ମିଶ୍ର ପ୍ରମୁଖ ଉପସ୍ଥିତ ଥିଲେ । ଏହି ବୈଠକରେ ସର୍ବସମ୍ମତି କ୍ରମେ ବୀରବର ସାହୁଙ୍କୁ ଅସ୍ଥାୟୀ ସଭାପତି ଭାବରେ ଚୟନ କରାଯାଇଥିଲା । ସେହିଭଳି ଉପସଭାପତି ଗୋପାଳଚନ୍ଦ୍ର ମିଶ୍ର, ଗୀତାଞ୍ଜଳି ପଣ୍ଡା, ହରିଶ୍ଚନ୍ଦ୍ର ମିଶ୍ର, ସଞ୍ଜୟ ଗଡତିଆ, ସମ୍ପାଦକ ବିଶ୍ୱ ବିହାରୀ ଯୋଷୀ, ବବିତା ପରୁଆ, ସୀମାଞ୍ଚଳ ବୁଡେକ, କୋଷାଧ୍ୟକ୍ଷ ବିଷ୍ଣୁପ୍ରସାଦ ପ୍ରଟେଲ ପ୍ରମୁଖ ଚୟନ ହୋଇଥିଲେ । ମୁଖ୍ୟ ଉପଦେଷ୍ଟା ମଣ୍ଡଳୀରେ ଘାସିରାମ ବେହେରା, ହରିନାରାୟଣ ମିଶ୍ର, ଜୟରାମ ଅଗ୍ରୱାଲ ଓ ସଞ୍ଜୟ ସାହୁ ଚୟନ ହୋଇଥିଲେ । ସ୍ୱତନ୍ତ୍ର ନିମନ୍ତ୍ରୀତ ଉପଦେଷ୍ଟା ମଣ୍ଡଳୀରେ ଶୈଳେନ୍ଦ୍ରୀ ମହାନନ୍ଦ, ନରେଶ ଅଗ୍ରୱାଲ, କୈଳାଶ ବେହରା, ଭୂମିସୂତା ଧରୁଆ, ସିମାଞ୍ଚଳ ମେହେର, ତୁଳସୀ ଠାକୁର, ଉଗ୍ରସେନ ବରାଡ, ସରୋଜ କୁମାର ସେଠ, ରବି ବସ୍ତିଆ, ଦେବକୀ ସେଠ ଚୟନ ହୋଇଥିଲେ । ଶେଷରେ ଗୋପଳଚନ୍ଦ୍ର ମିଶ୍ର ଧନ୍ୟବାଦ ଅର୍ପଣ କରି ବୈଠକକୁ ଶେଷ କରିଥିଲେ ।