ସମ୍ପ୍ରଦାୟ ସ୍ତରୀୟ ହିତାଧିକାରୀମାନଙ୍କ ସହିତ ପରାମର୍ଶ ବୈଠକ କାର୍ଯ୍ୟକ୍ରମ

ସୁନ୍ଦରଗଡ, (ସସ୍ମିତା ପ୍ରଧାନ) : ପ୍ରଗତି ମଣ୍ଡପ, ସୁନ୍ଦରଗଡ଼ ପରିସରରେ ସୁନ୍ଦରଗଡ଼ ଏବଂ ଝାରସୁଗୁଡ଼ା ଜିଲ୍ଲାର ସମ୍ପ୍ରଦାୟ ସ୍ତରୀୟ ହିତାଧିକାରୀମାନଙ୍କ ସହିତ ପରାମର୍ଶ ବୈଠକ ଅନୁଷ୍ଠିତ ହୋଇଥିଲା । ଯାହା ଜାତୀୟ ଆଇନ ବିଶ୍ୱବିଦ୍ୟାଳୟ, ଓଡ଼ିଶା ଏବଂ ନେଦରଲ୍ୟାଣ୍ଡର ଦୂତାବାସର ସହଯୋଗରେ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମର ପ୍ରାରମ୍ଭରେ, ଜାତୀୟ ଆଇନ ବିଶ୍ୱବିଦ୍ୟାଳୟ, ଓଡ଼ିଶାର କାର୍ଯ୍ୟକ୍ରମ ପରିଚାଳକ ରାଜକିଶୋର ପଣ୍ଡା ସ୍ୱାଗତ ଭାଷଣ ଦେଇଥିଲେ ଏବଂ କାର୍ଯ୍ୟକ୍ରମ ବିଷୟରେ ବିସ୍ତୃତ ସୂଚନା ଦେଇଥିଲେ । ଆଲୋଚନା ବୈଠକରେ ସୁନ୍ଦରଗଡ଼ ପୌରପାଳିକାର ଅଧ୍ୟକ୍ଷା ଶ୍ରୀମତୀ ତନ୍ମୟା ମିଶ୍ର, ଜିଲ୍ଲା ଉପ-ନିବନ୍ଧକ, ସୁନ୍ଦରଗଡ଼ ଶ୍ରୀମତୀ ପ୍ରତିମା ପିଙ୍ଗ, ଜିଲ୍ଲା ସମାଜ କଲ୍ୟାଣ ଅଧିକାରୀ, ସୁନ୍ଦରଗଡ଼ ଶ୍ରୀମତୀ କ୍ରୀଷ୍ଣା କୁମାରୀ ନନ୍ଦ, ସୁନ୍ଦରଗଡ଼ ଜିଲ୍ଲା ପୋଲିସ ଉପ ଆରକ୍ଷୀ ଅଧିକ୍ଷକ ଶ୍ରୀମତୀ କାଦମ୍ବିନୀ ସାମଲ, ଝାରସୁଗୁଡା ଜିଲ୍ଲା ପୋଲିସ ଉପ ଆରକ୍ଷୀ ଅଧିକ୍ଷକ କମଳ ଲୋଚନ ବେହେରା, ସବଡେଗା ମେଡିକାଲର ଡାକ୍ତର ସିଲି ପଟେଲ, ସୁନ୍ଦରଗଡ ଜିଲ୍ଲା ସମାଜ କଲ୍ୟାଣ ଅଧିକାର ବିଭାଗର ସୁରକ୍ଷା ଅଧିକାରୀ ଶ୍ରୀମତୀ ସିଂଗ୍ଧାରାଣୀ ମହାପାତ୍ର, ସମାଜସେବୀ ଶ୍ରୀମତୀ ମିନାକ୍ଷୀ ପ୍ରଧାନ, ଶିଶୁ ବିକାଶ ପ୍ରକଳ୍ପ ଅଧିକାରୀ ତପସ୍ୱିନୀ ବେସେନେ, ବରିଷ୍ଠ ଆଇନଜୀବୀ ଶ୍ରୀମତୀ ସୁପ୍ରଭା ପଟେଲ, ଦିଶା ଏନଜିଓର ସମ୍ପାଦକ ଶେଖ ଅବଦୁଲ ଆଜ଼ାଦ, ସେହାଦ ଝାରସୁଗୁଡାର ପରିଚାଳକ ଜୟଶ୍ରୀ ସାହୁ, ସୁନ୍ଦରଗଡ଼ ସରକାରୀ ମହାବିଦ୍ୟାଳୟର ଦମୟନ୍ତୀ ସିଂ, ଶକ୍ତି ସଦନ, ସୁନ୍ଦରଗଡ଼ର ଅଧିକ୍ଷକ ନଳିନୀ ପ୍ରଭା ବେହେରାଙ୍କ ସହ ସୁନ୍ଦରଗଡ଼ ଓ ଝାରସୁଗୁଡା ଜିଲ୍ଲାର ଆଶା ଦିଦି, ଅଙ୍ଗନବାଡି ଦିଦି, ପ୍ରେରଣା ଦିଦି, ଜିଲ୍ଲା ଓ ବ୍ଲକ ସ୍ତରୀୟ ସ୍ଵଂୟ ସହାୟକ ଗୋଷ୍ଠୀର ସଭାପତି ଓ ସମ୍ପାଦିକା, ଜେଣ୍ଡର ସଂଯୋଜିକା, ସମାଜସେବୀ, ଗୃହିଣୀ, ପୀଡିତା, ପୂଜକ ପ୍ରମୁଖ ଅଂଶଗ୍ରହଣକାରୀମାନେ ସମ୍ପ୍ରଦାୟ ସ୍ତରରେ ଘରୋଇ ହିଂସାର ସମାଧାନ ପାଇଁ ସେମାନଙ୍କର ମତାମତ ଉପସ୍ଥାପନା କରିଥିଲେ । ସେମାନେ ଘରୋଇ ହିଂସା ଆଇନର ବିଭିନ୍ନ ଦିଗ ଏବଂ ପରିମାପକ ଉପରେ ଆଲୋକପାତ କରିଥିଲେ ଏବଂ ଯୌତୁକ ନିବାରଣ ଆଇନ ଏବଂ ଏହା ସହିତ ଜଡିତ ପ୍ରଚଳିତ ଦଣ୍ଡ ବିଷୟରେ ବିସ୍ତୃତ ଆଲୋଚନା କରିଥିଲେ । ଏହା ବ୍ୟତୀତ ପ୍ରମୁଖ ଅଂଶଗ୍ରହଣକାରୀମାନେ ମହିଳା ବିରୋଧୀ ହିଂସା ଦୂର କରିବାରେ ସମ୍ପ୍ରଦାୟ ସ୍ତରୀୟ ପ୍ରତିନିଧିଙ୍କ ଭୂମିକା ଉପରେ ଆଲୋକପାତ କରିଥିଲେ । ମହିଳାମାନେ ମହିଳା ଆଇନ ବିଷୟରେ ସଚେତନ ହେବା କେତେ ଗୁରୁତ୍ୱପୂର୍ଣ୍ଣ ଏହି ବିଷୟରେ ପୁଙ୍ଖାନୁପୁଙ୍ଖ ଭାବେ ଆଲୋଚନା ହୋଇଥିଲା । ବିଭିନ୍ନ ସମ୍ପ୍ରଦାୟ ଏବଂ ଅନୁଷ୍ଠାନର ପ୍ରତିନିଧିମାନେ ସମାଜର ସାମ୍ପ୍ରତିକ ପରିସ୍ଥିତିରେ ଗବେଷଣାର ଆବଶ୍ୟକତା ଉପରେ ସେମାନଙ୍କର ମତାମତ ପ୍ରକାଶ କରିଥିଲେ । ପରେ ସମସ୍ତ ଅଂଶୀଦାରମାନେ ଘରୋଇ ହିଂସା ଏବଂ ଯୌତୁକ ନିଷେଧ ଆଇନର ସମାଧାନ ଉପରେ ପ୍ରଶ୍ନୋତ୍ତର ଅଧିବେଶନରେ ଅଂଶଗ୍ରହଣ କରିଥିଲେ । ସମାଜରେ ମହିଳାମାନଙ୍କ ସହିତ ଘରୋଇ ହିଂସା କିପରି ବୃଦ୍ଧି ପାଉଛି ଏବଂ ହିଂସା ଏବଂ ଶୋଷଣ ବିରୁଦ୍ଧରେ ମହିଳାମାନଙ୍କୁ ସୁରକ୍ଷା ଦେବାରେ ଏବଂ ଘରୋଇ ହିଂସାକୁ ସମାଧାନ କରିବାରେ ବିଦ୍ୟମାନ ବ୍ୟବସ୍ଥା ଓ ଅନୁଷ୍ଠାନ କିପରି ସାହାଯ୍ୟ କରୁଛି ସେ ବିଷୟରେ ଅବଗତ କରିଥିଲେ । ସରକାରଙ୍କ ଦ୍ୱାରା ସଙ୍କଟରେ ପଡ଼ିଥିବା ମହିଳାମାନଙ୍କ ପାଇଁ ପ୍ରଦାନ କରାଯାଇଥିବା ବିଭିନ୍ନ ସରକାରୀ ଯୋଜନା, ସୁବିଧାର ଲାଭ ଉଠାଇବାକୁ ପରାମର୍ଶ ଦେଇଥିଲେ । କାର୍ଯ୍ୟକ୍ରମରେ ସମସ୍ତ ଅଂଶୀଦାରମାନଙ୍କୁ ମାନପତ୍ର ପ୍ରଦାନ କରି ସମ୍ମାନିତ କରାଯାଇଥିଲା । ଏହି କାର୍ଯ୍ୟକ୍ରମଟିକୁ ଜାତୀୟ ଆଇନ ବିଶ୍ୱ ବିଦ୍ୟାଳୟ, ଓଡିଶାର ପ୍ରକଳ୍ପ ପରିଚାଳକ ସୁଧାଂଶୁ ଭୂଷଣ ମହାରଣା ଏବଂ ରାଜକିଶୋର ପଣ୍ଡାଙ୍କ ଦ୍ୱାରା ପରିଚାଳନା କରାଯାଇଥିଲା । ଶେଷରେ ସୁଧାଂଶୁ ଭୂଷଣ ମହାରଣା ସମସ୍ତ ଅଂଶୀଦାରମାନଙ୍କୁ ଧନ୍ୟବାଦ ଦେଇ ଉକ୍ତ ବୈଠକକୁ ଶେଷ କରିଥିଲେ ।