ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଲକ ବନ୍ଧପଡ଼ା କଲ୍ୟାଣ ମଣ୍ଡପରେ ଯାଦବ ସମାଜର ଏକ ବୈଠକ ଅନୁଷ୍ଠିତ ହୋଇଯାଇଛି । କାର୍ଯ୍ୟକାରୀ ସଭାପତି କାର୍ଷିକ ମଲ୍ଲିକଙ୍କ ସଂଯୋଜନାରେ ଅନୁଷ୍ଠିତ ଏହି ବୈଠକରେ ଦେଓଗାଁ ବ୍ଲକ ଯାଦବ ସମାଜ ସମ୍ପାଦକ ସମ୍ପଦ ପୋଢ଼ ଓ ଯୁବ ଯାଦବ ସମ୍ପାଦକ ଭ୍ରମର ହାତୀ ଯୋଗଦେଇ ସଂଗଠନକୁ ସୁଦୃଢ଼ କରିବାକୁ ଆହ୍ୱାନ ଦେଇଥିଲେ । ଏହି ଅବସରରେ ବନ୍ଧପଡ଼ା ପଞ୍ଚାୟତ ସ୍ତରୀୟ ନୂତନ କମିଟି ଗଠନ କରାଯାଇଥିଲା । ଏଥିରେ ସଭାପତି ଭାବେ ଘନ ଘନଶ୍ୟାମ ପୋଡ଼, ଉପସଭାପତି ବିଶିକେଶନ ନାଗ, ସମ୍ପାଦ ବଳଦେବ ଚନ୍ଦନ, କୋଷାଧ୍ୟକ୍ଷ ସୂର୍ଯ୍ୟ ପୋଡ଼, ଯୁବ ଯାଦବ ସଭାପତି ବାସୁଦେବ ବକୁଳ, ସମ୍ପାଦକ ଭାବେ କୀର୍ତ୍ତନ ଷାଣ୍ଢଙ୍କୁ ମନୋନୀତ କରାଯାଇଥିଲା । ରାଜକୁମାର ବଗର୍ତ୍ତି, ସଲିତ ପୋଡ଼, ସନ୍ତୋଷ ନାଗଙ୍କୁ ସଦସ୍ୟ ଭାବେ ଚୟନ କରାଯାଇଛି । ବୈଠକରେ ବନ୍ଧପଡ଼ା ପଞ୍ଚାୟତର ସମସ୍ତ ଗାଁର ଜାତିଭାଇ ଯୋଗ ଦେଇଥିଲେ ।