ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ବିଦ୍ୟା ଭାରତୀ, ଶିକ୍ଷା ବିକାଶ ସମିତି, ଓଡ଼ିଶାଙ୍କ ଯୋଜନା ଅନୁଯାୟୀ ଚଳିତ କାର୍ତ୍ତିକ ଶୁକ୍ଳ ନବମୀ, ଇଂରାଜୀ ତାରିଖ ୧୦/୧୧/୨୦୨୪, ରବିବାର ଦିନ ସରସ୍ୱତୀ ଶିଶୁ ବିଦ୍ୟା ମନ୍ଦିର, ଛତ୍ରପୁର ସୌଜନ୍ୟରେ ଛତ୍ରପୁର ସଙ୍କୁଳ ସ୍ତରୀୟ ପରିଚାଳନା ସମିତି ବୈଠକ ନୀଳାଦ୍ରିପୁରସ୍ଥ ମା’ ରାମଚଣ୍ଡୀ ଶକ୍ତିପୀଠ ଠାରେ ଅନୁଷ୍ଠିତ ହୋଇଯାଛି । ଉକ୍ତ ବୈଠକରେ ଛତ୍ରପୁର ସଙ୍କୁଳର ସମସ୍ତ ବିଦ୍ୟାଳୟ ଯଥା- ସରସ୍ୱତୀ ଶିଶୁ ବିଦ୍ୟା ମନ୍ଦିର, ଗଂଜାମ, ରମ୍ଭା, ଗୋପାଳପୁର, ଭଞ୍ଜବିହାର, ନରେନ୍ଦ୍ରପୁର ବିଦ୍ୟାଳୟର ପରିଚାଳନା ସମିତିର ସମସ୍ତ ସଦସ୍ୟ ସହ ପ୍ରଧାନ ଆଚାର୍ଯ୍ୟ ମାନେ ଉପସ୍ଥିତ ଥିଲେ । କାର୍ଯ୍ୟକ୍ରମରେ ଦକ୍ଷିଣ ପୂର୍ବ ସମ୍ଭାଗ ସଂଯୋଜକ ପ୍ରକାଶ ଚନ୍ଦ୍ର ତ୍ରିପାଠୀ, ବିଭାଗ ନିରୀକ୍ଷକ ସରୋଜ ପଟ୍ଟନାୟକ ଏବଂ ସମ୍ଭାଗ ସମ୍ପାଦକ ଦୀପକ ପଟ୍ଟନାୟକ ପ୍ରମୁଖ କାର୍ଯ୍ୟକ୍ରମରେ ଉପସ୍ଥିତ ରହି ପରିଚାଳନା ସମିତି ସଦସ୍ୟ ମାନଙ୍କ ସହ ବିଭିନ୍ନ ବିଷୟ ଆଲୋଚନା କରିଥିଲେ । ଛତ୍ରପୁର ବିଦ୍ୟାଳୟର ସଭାପତି ପଦ୍ମଚରଣ ସାହୁ କାର୍ଯ୍ୟକ୍ରମର ଉଦ୍ଦେଶ୍ୟ ରଖିବା ବେଳେ ପ୍ରଧାନ ଆଚାର୍ଯ୍ୟ ରବୀନ୍ଦ୍ର ନାଥ ଦାଶ ଅତିଥି ପରିଚୟ ସହ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମକୁ ସମ୍ପୂର୍ଣ୍ଣ ରୂପେ ମା’ ରାମଚଣ୍ଡୀ ଶକ୍ତିପୀଠର ସମସ୍ତ ସଦସ୍ୟ ସହଯୋଗ କରିଥିଲେ ଏବଂ ମନ୍ଦିର ପରିଚାଳନାରେ ଥିବା ଟ୍ରଷ୍ଟ ଲକ୍ଷ୍ମୀନୃସିଂହ ପଣ୍ଡା ଓ ମ୍ୟାନେଜର ସନ୍ତୋଷ ପଣ୍ଡାଙ୍କୁ ଅଶେଷ ଅଶେଷ ଧନ୍ୟବାଦ ଦେଇଥିଲେ ।