ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ସ୍ଥିତ ସରସ୍ଵତୀ ଶିଶୁ ବିଦ୍ୟା ମନ୍ଦିର ଦେଓଗାଁ ପରିସରରେ ବଲାଙ୍ଗିର ଜିଲ୍ଲାର ୪୦ଟି ଶିଶୁ ମନ୍ଦିରର ପ୍ରଧାନ ଆଚାର୍ଯ୍ୟଙ୍କ ବୈଠକ ଅନୁଷ୍ଠିତ ହୋଇଯାଇଛି । ଦକ୍ଷିଣ ପଶ୍ଚିମ ସମ୍ଭାଗ ସଂଯୋଜକ ରଞ୍ଜନ ପଧାନ, ବଲାଙ୍ଗିର ବିଭାଗ ନିରୀକ୍ଷକ ପ୍ରକାଶ ମହାନ୍ତି ଓ ହିସାବ ରକ୍ଷକ ଲକ୍ଷ୍ମୀଧର ମିଶ୍ର, ଜିଲ୍ଲା ପ୍ରମୁଖ ରାମକୁମାର ମିଶ୍ର ଉପସ୍ଥିତ ଥିଲେ । ସ୍ଥାନୀୟ ପ୍ରଧାନ ଆଚାର୍ଯ୍ୟ ସନ୍ତୋଷ ସା ଅତିଥି ପରିଚୟ ଏବଂ ସ୍ୱାଗତ ଭାଷଣ ପ୍ରଦାନ କରିଥିଲେ । ଉକ୍ତ ବୈଠକରେ ଶିଶୁ ମନ୍ଦିରରେ ଶୈଖିକ ସ୍ତର ବୃଦ୍ଧି, ବିଭିନ୍ନ କାର୍ଯ୍ୟକ୍ରମ ଯୋଜନା ସହିତ ପରୀକ୍ଷା ଗୁଡ଼ିକର ସମୀକ୍ଷା କରାଯାଇଥିଲା । ପରିଚାଳନା ସମିତିର ସମ୍ପାଦିକା ଜୟନ୍ତୀ ମିଶ୍ର, ଉପସଭାପତି ହେମନ୍ତ ସାହୁ, ସଦସ୍ୟ କିଶୋର ସାହୁ, ତପସ୍ଵିନୀ ଦୀପ, ମାତୃ ଭାରତର ସଦସ୍ୟାଗଣ ଉପସ୍ଥିତ ଥିଲେ ।