ଟିଟିଲାଗଡ଼ ବଣିକ ସଂଘର ବାର୍ଷିକ ସାଧାରଣ ପରିଷଦ ବୈଠକ ଅନୁଷ୍ଠିତ

ଟିଟିଲାଗଡ଼, (ସଞ୍ଜୟ କୁମାର ନାୟକ) : ପ୍ରତିବର୍ଷ ଭଳି ଚଳିତବର୍ଷ ମଧ୍ୟ ଟିଟିଲାଗଡ଼ ବଣିକ ସଂଘର ବାର୍ଷିକ ସାଧାରଣ ପରିଷଦ ବୈଠକ ଗୁରୁବାର ଦିନ ସ୍ଥାନୀୟ ଅଭିମନ୍ୟୁ କଲ୍ୟାଣ ମଣ୍ଡପଠାରେ ସଭାପତି ଶମ୍ଭୁପ୍ରସାଦ ଗୋୟଲଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ବିଭିନ୍ନ ସମସ୍ୟା ଉପରେ ଆଲୋଚନା କରି ବିଭିନ୍ନ ଅଭିଯୋଗ ସମ୍ବନ୍ଧିତ ବିଷୟ ଉପରେ ଆଲୋଚନା ସହ ତାହାର ସମାଧାନ ଦିଗରେ ପଦକ୍ଷେପ ଗ୍ରହଣ କରାଯାଇଥିବା ସଭାପତି ଶମ୍ଭୁପ୍ରସାଦ ଗୋୟଲ ସୂଚନା ଦେଇଛନ୍ତି । ପାଖାପାଖି ତିନିଶହରୁ ଅଧିକ ସଦସ୍ୟ ଏହି ବୈଠକରେ ସାମିଲ ହୋଇଥିଲେ । ସମସ୍ତ ସଦସ୍ୟଙ୍କୁ ନୂତନ ବର୍ଷ ଉପଲକ୍ଷେ କ୍ୟାଲେଣ୍ଡର ସହ ସଦସ୍ୟଙ୍କ ପଞ୍ଜୀକରଣ ପ୍ରମାଣପତ୍ର ବଣ୍ଟନ କରାଯାଇଥିଲା । ଆୟୋଜିତ ହୋଇଥିବା ବିଭିନ୍ନ ପ୍ରତିଯୋଗିତାରେ ଅଂଶ ଗ୍ରହଣ କରି ବିଜୟୀ ପ୍ରତିଯୋଗୀମାନଙ୍କୁ ଟ୍ରଫି ପ୍ରଦାନ କରାଯାଇଥିଲା । ଶେଷରେ ଉପସ୍ଥିତ ସଦସ୍ୟମାନଙ୍କୁ ନେଇ ଏକ ଲକିଡ୍ର ମଧ୍ୟ ଆୟୋଜନ ହୋଇଥିଲା । ଲକିଡ୍ରରେ ଯିଏ ବିଜୟୀ ହେଲେ ତାଙ୍କୁ ବଡ଼ ଟ୍ରଫି ଦେଇ ସମ୍ମାନିତ କରାଯାଇଥିଲା । ଏହି ଅବସରରେ ଟିଟିଲାଗଡ଼ ବଣିକ ସଂଘର ସଞ୍ଜୟ ସୋନି, ଅଙ୍କୁର ଅଗ୍ରୱାଲ, ଗୋପାଳ ଜୈନ, ମନିସ ଗୁପ୍ତା, ରିଙ୍କୁ ଅଗ୍ରୱାଲ, ଶମ୍ଭୁ ଅଗ୍ରୱାଲ, ମନୋଜ ଡୋଡକା, ପ୍ରକାଶ ଅଗ୍ରୱାଲ, ଦେବ ଷଡଙ୍ଗୀ, ସନ୍ତୋଷ ସାହୁ, ଈଶ୍ୱର ଜୈନ, କୈଳାସ ସାହୁଙ୍କ ସମେତ ଅନ୍ୟାନ୍ୟ ବହୁତ ସଦସ୍ୟମାନେ ଅଂଶଗ୍ରହଣ କରି ନିଜ ନିଜର ମତାମତ ପରିପୋଷଣ କରିଥିଲେ । ଏହି ବୈଠକକୁ ପରିଚାଳନା କରିବାରେ ଅନ୍ୟ ସଦସ୍ୟମାନେ ସହଯୋଗ କରିଥିଲେ ।