ପଦ୍ମପୁର, (ନିରୋଜ କୁମାର ପାଣୀ) : ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଲ ମାଉସୀ ମା ମନ୍ଦିରଠାରେ ପାଇକମାଲ ବ୍ଲକସ୍ତରୀୟ ଅବସରପ୍ରାପ୍ତ କର୍ମଚାରୀ ସଙ୍ଘର ସାଧାରଣ ବୈଠକ ସଭାପତି ଅନିଲ କୁମାର କାଳିଆଙ୍କ ଅଧ୍ୟକ୍ଷତାରେ ଶନିବାର ଅନୁଷ୍ଠିତ ହୋଇଯାଇଛି । ସଭାପତି ଶ୍ରୀ କାଳିଆ ଉପସ୍ଥିତ ସଦସ୍ୟଙ୍କୁ ନୂଆଖାଇର ଶୁଭେଚ୍ଛା ଜ୍ଞାପନ କରିବା ପରେ ଦିବଙ୍ଗତ ସଦସ୍ୟମାନଙ୍କ ଆତ୍ମାର ସଦଗତି ନିମନ୍ତେ ଦୁଇ ମିନିଟ ଭଗବାନଙ୍କ ନିକଟରେ ନୀରବ ପ୍ରାର୍ଥନା ପାଇଁ ଉପସ୍ଥିତ ସମସ୍ତ ସଭ୍ୟମାନଙ୍କୁ ଅନୁରୋଧ କରିଥିଲେ । ବରିଷ୍ଠ ସଦସ୍ୟ ଗିରୀଶ ଚନ୍ଦ୍ର ନାୟକ ବୈଠକର ଉଦ୍ଦେଶ୍ୟ ଜ୍ଞାପନ କରିଥିଲେ । ଅନ୍ୟତମ ବରିଷ୍ଠ ସଦସ୍ୟ ଭୋଜରାଜ ବୁଡେକ ସଙ୍ଘର ଲକ୍ଷ୍ୟ ଉଦ୍ଦେଶ୍ୟ ଏବଂ ନିୟମାବଳୀ ଉପସ୍ଥାପନ କରିଥିଲେ । ନୂତନ ସଭ୍ୟମାନେ ନିଜ ନିଜର ପରିଚୟ ପ୍ରଦାନ କରି ଆଜି ସଂଘରେ ଯୋଗଦାନ କରି ସଂଘର ନିୟମ ମାନି ଚଳିବା ପାଇଁ ସମ୍ମତି ପ୍ରକାଶ କରିଥିଲେ,ସେମାନଙ୍କୁ ସଭାପତି ଫୁଲତୋଡ଼ା ଦେଇ ସ୍ଵାଗତକରି ଥିଲେଓ ସଂଘରେ ତାଙ୍କୁ ସାମିଲ କରାଯାଇଥିଲା । ସମ୍ପାଦକ ପ୍ରଫୁଲ୍ଲ କୁମାର ପାଣିଗ୍ରାହୀ ବିବରଣୀ ପଠନ କରିବାସହିତ ଆୟ–ବ୍ୟୟ ଉପସ୍ଥାପନ କରିଥିଲେ । ସଙ୍ଘର ଏକ ସ୍ଥାୟୀ ଗୃହ ନିର୍ମାଣ ପାଇଁ ସଦସ୍ୟ ମାତୃ ପ୍ରସାଦ ରଥଙ୍କ ଆଗତ ପ୍ରସ୍ତାବ ସମ୍ପର୍କରେ ଆବଶ୍ୟକ ପଦକ୍ଷେପ ଗ୍ରହଣ କରିବାପାଇଁ ସ୍ଥିର କରାଗଲା । କାର୍ଯ୍ୟକାରିଣୀ କମିଟିର ପୁନର୍ଗଠନ ତଥା ପରବର୍ତ୍ତୀ ଉନ୍ନତିମୂଳକ ଯୋଜନା ପାଇଁ ଆସନ୍ତା ମାସ ୨୨ ତାରିଖରେ ବୈଠକ ଅନୁଷ୍ଠିତ କରିବା ପାଇଁ ସ୍ଥିର କରାଗଲା । ବିଭିନ୍ନ ଉନ୍ନତି ମୂଳକ କାମ କରାଯିବା ନେଇ ସଭ୍ୟ ମାନେ ପ୍ରସ୍ତାବ ଦେଇଥିଲେ । ଆଜିର ସଭାରେ ୫୦ ଜଣ ସଭ୍ୟ ଯୋଗ ଦେଇଥିବା ବେଳେ ନୂତନ ଭାବରେ ୧୦ ଜଣ ନୂତନ ସଭ୍ୟ ଯୋଗଦେଇ ଥିଲେ । ଶେଷରେ ପୀତାମ୍ବର ସାହୁ ସମସ୍ତଙ୍କୁ ସ୍ୱାଗତ କରିବା ସହ ନୁଆଁଖାଇ ଜୁହାର କରି ଧନ୍ୟବାଦ ଅର୍ପଣ କରିଥିଲେ ।
