ଟିଟିଲାଗଡ, (ସଞ୍ଜୟ କୁମାର ନାୟକ) : ବଲାଙ୍ଗିର ଜିଲ୍ଲାର ଟିଟିଲାଗଡ଼ ସହରରୁ କଳା ସଂସ୍କୃତି କ୍ଷେତ୍ରରେ ଅନେକ ପ୍ରତିଭା ଉଦୟମାନ ହୋଇଛନ୍ତି । ଯାହା କି ରାଜ୍ୟ ତଥା ଦେଶରେ ଖ୍ୟାତନାମା ମଧ୍ୟ ଅର୍ଜନ କରିଛନ୍ତି । କିଛି ଦିନ ତଳେ ମୁମ୍ବାଇଠାରେ ମହାରାଷ୍ଟ୍ର ଇଣ୍ଟର ନ୍ୟାସନାଲ୍ ଫିଲ୍ମ ଫେଷ୍ଟିଭାଲ୍ରେ ଟିଟିଲାଗଡ଼ ମାଟିର ସନ୍ତାନ ଯୁଗଳ ସାହୁଙ୍କ ନିର୍ଦ୍ଦେଶନା ଓ ପ୍ରଯୋଜକ ପଙ୍କଜ ଜାଲଙ୍କ ଦ୍ଵାରା ତିଆରି ହୋଇଥିବା ସିନେମା ‘ଖରା’ ପୁରସ୍କୃତ ହୋଇଛି । ନିର୍ଦ୍ଦେଶନା ତଥା ‘ଖରା’ ସିନେମାର ଅବଦାନ ପାଇଁ ଯୁଗଳ ସାହୁଙ୍କୁ ଦାଦା ସାହେବ ଫାଲକେ ଆୱାର୍ଡ଼ ମିଳିଥିବା ବେଳେ ଫିଲ୍ମ ପ୍ରଯୋଜକ ପଙ୍କଜ ଜାଲଙ୍କୁ ପନୋରମା ଇଣ୍ଟର ନେସନାଲ୍ ଫିଲ୍ମ ଫେଷ୍ଟିଭାଲ୍ ତରଫରୁ ସମ୍ମାନିତ କରାଯାଇଛି । ଯାହାକି ଟିଟିଲାଗଡ଼ ସହର ପାଇଁ ଏକ ଗର୍ବର ବିଷୟ । ଏହି ଖବର ପ୍ରଚାରିତ ହେବା ପରେ ସହରବାସୀ ଉଭୟଙ୍କୁ ଶୁଭେଚ୍ଛା ଜଣାଇଛନ୍ତି ।