ପଦ୍ମପୁର, (ନିରୋଜ କୁମୋର ପାଣୀ) : ନୃସିଂହନାଥ ସଂସ୍କୃତ ବିଦ୍ୟା ନିକେତନ ପରିସରରେ ଜିଲ୍ଲା ସ୍ତରୀୟ ଅବସରପ୍ରାପ୍ତ ସଂସ୍କୃତ ଶିକ୍ଷକମାନଙ୍କ ଆଶୀର୍ବାଦ ସମ୍ମିଳନୀ ଆଜି ଅନୁଷ୍ଠିତ ହୋଇଯାଇଛି । ଏହି ଅବସରରେ ସୁରେଶ ଚନ୍ଦ୍ର ଚୌହାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆର୍ଶର୍ବାଦ ସମ୍ମିଳନୀରେ ମୁଖ୍ୟଅତିଥି ଭାବେ ନିଖିଳ ଉତ୍କଳ ସଂସ୍କୃତ ସଂଘର ଯୁଗ୍ମ ସଭାପତି ଗୋପବନ୍ଧୁ ପୁରୋହିତ ଯୋଗ ଦେଇଥିଲେ । ମୁଖ୍ୟବକ୍ତା ଭାବେ ଅଧ୍ୟାପକ ଭାଗୀରଥି ପଣ୍ତା ଯୋଗ ଦେଇଥିଲେ । ସମ୍ମାନିତ ଅତିଥି ଭାବେ ବେଦ ପ୍ରକାଶ ଶାସ୍ତ୍ରୀ, ପ୍ରେମରାଜ ପାଣିଗ୍ରାହୀ ଯୋଗଦାନ କରିଥିଲେ । ଲିଙ୍ଗରାଜ ସାହୁ ସଭା ପରିଚାଳନା କରିଥିଲେ । ଅବସର ଶିକ୍ଷକମାନେ ନିଜେ ନିଜର ଦୀର୍ଘ ବର୍ଷର ଅଭିଜ୍ଞତାକୁ ବର୍ଣ୍ଣନା କରିବା ସହ ସଂସ୍କୃତ ଭାଷାର ଉନ୍ନତି ପାଇଁ ଉପଦେଶ ଦେଇଥିଲେ । ବରଗଡ ଜିଲ୍ଲାର ୨୦୧୯/୨୦, ୨୦୨୦/୨୧ ବର୍ଷରେ ୧୬ ଜଣ ସଂସ୍କୃତ ଶିକ୍ଷକ ଅବସର ଗ୍ରହଣ କରିଥିବା ବେଳେ ସଭାରେ ଉପସ୍ଥିତ ଥିବା ୭ ଜଣ ଶିକ୍ଷକଙ୍କୁ ଉପଢୌକନ ଦେଇ ଅତିଥିମାନଙ୍କ ଦ୍ବାରା ସମ୍ମାନିତ କରାଯାଇଥିଲା । ଶେଷରେ ହରିହର ସାହୁ ଧନ୍ୟବାଦ ଅର୍ପଣ କରିଥିଲେ ।