ଗଞ୍ଜାମ, (ପ୍ରଦୀପ କୁମାର ପଣ୍ଡା) : ଗଞ୍ଜାମ ଥାନା ଅନ୍ତର୍ଗତ କାଇଁଚପୁର ପଞ୍ଚାୟତରେ ଅସାମାଜିକ ଲୋକଙ୍କ ପ୍ରାଦୁର୍ଭାବ ଦିନକୁ ଦିନ ବୃଦ୍ଧି ପାଉଥିବା ଅଭିଯୋଗ ହେଉଛି । ମଦ୍ୟପାନ କରି ଦୃବୁତ୍ତମାନେ ବିଳମ୍ବିତ ରାତ୍ରରେ ବିଭିନ୍ନ ସ୍ଥାନରେ ଚୋରି କରୁଥିବା ପୂର୍ବତ୍ତନ ଗଞ୍ଜାମ ବ୍ଲକ ଅଧ୍ୟକ୍ଷ କାନକେୟା ରେଡ୍ଡୀ ଅଭିଯୋଗ କରିଛନ୍ତି । ଦୁଇଦିନ ତଳେ କଲ୍ୟାଣପୁର ଗ୍ରାମରେ ଲାଗିଥିବା ଗାଁ କଲ୍ୟାଣ ସମିତି ବୋର୍ଡଟିକୁ କୌଣସି ଦୃବୁତ୍ତ ଉପାଡି ଦେଇଥିବା ଅଭିଯୋଗ ହୋଇଛି । ସରକାରଙ୍କ ସମ୍ପତିକୁ ମଧ୍ୟ ମଦ୍ୟପମାନେ ନଷ୍ଟ କରିବାକୁ ପଛାଉ ନଥିବା ପୂର୍ଵତ୍ତନ ଅଧ୍ୟକ୍ଷ ଶ୍ରୀ ରେଡ୍ଡୀ ଗଣମାଧ୍ୟମକୁ ସୂଚନା ଦେଇଛନ୍ତି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ରାତ୍ରୀକାଳୀନ ପୋଲିସ ପେଟ୍ରୋଲିଂ ବ୍ୟବସ୍ଥା କରିବାକୁ ବୁଦ୍ଧିଜୀବୀ ମହଲରେ ଦାବୀ ହେଉଛି ।