ଖପ୍ରାଖୋଲ, (କ୍ରିଷ୍ଣା ସେଠୀ) : ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ବେନ୍ଦେର ପଞ୍ଚାୟତ ପୂର୍ବ ସମିତି ସଭ୍ୟ ଲକ୍ଷ ପ୍ରଧାନଙ୍କ କୌଣସି କାରଣରୁ ମୃତ୍ୟୁ ହୋଇଥିବା ବେଳେ ସେବେଠୁ ସମିତି ସଭ୍ୟ ପଦ ଖାଲି ପଡିଥିଲା । ଏହି ଉପ ନିର୍ବାଚନରେ ଦୁଇ ଜଣ ସମିତି ସଭ୍ୟ ପ୍ରାର୍ଥୀ ଭାବେ ଭୋଟରେ ଉଠିଥିବା ବେଳେ ବୁଧବାର ଭୋଟ ହୋଇ ଗୁରବାର ଭୋଟ ଗଣତି ହୋଇଥିଲା । ଶୁକ୍ରବାର ଭୋଟ ଫଳାଫଳ ବାହାରିବା ପରେ ଲଛମନ ନାଗଙ୍କ ଠାରୁ ଅରୁଣ ପ୍ରଧାନ ୧୧୦ ଭୋଟରେ ବିଜୟୀ ହୋଇଛନ୍ତି । ଏହି ପଞ୍ଚାୟତରେ ୧୧ଟି ବୁଥରେ ୨୦୬୧ ଜଣ ଭୋଟର ଥିବାବେଲେ ୧୫୬୭ ଭୋଟର ଭୋଟ ଦେଇଛନ୍ତି । ୬୭ ପ୍ରତିଶତ ମତଦାନ ହୋଇଛି । ଏହି ଉପନିର୍ବାଚନରେ ନିର୍ବାଚନ ଅଧିକାରୀ ତରଣୀ ସୁନା, ନୋଡାଲ ଅଫିସର ଭାବେ ଶୁସାନ୍ତ ପାଣୀ, ସେକ୍ଟର ଅଫିସର ସୌମ୍ୟକିଶୋର ଜୟପୁରିଆ, ଅଶୋକ ପାଣିଗ୍ରାହୀ, ତପନ ମେହେର ପ୍ରମୁଖ ଉପସ୍ଥିତଥିଲେ ।
