ରାଉରକେଲା, (ସସ୍ମିତା ପ୍ରଧାନ) : ସ୍ୱାମୀ ବିବେକାନନ୍ଦ ଲୋକ ସଂସଦ, ସୁନ୍ଦରଗଡ଼ ଜିଲ୍ଲା ତରଫରୁ ସହର ତଥା ଜିଲ୍ଲାର ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀମାନଙ୍କୁ ନେଇ ସୁନ୍ଦରଗଡ଼ ଜିଲ୍ଲାରେ ୭ଟି ସେଣ୍ଟର ଯଥା କଚାରୁ, ସୁନ୍ଦରଗଡ, ବେଦବ୍ୟାସ, ବଣେଇ, କୁଆଁରମୁଣ୍ଡା, ଛେଣ୍ଡ ଚିନ୍ମୟ ଇଂରାଜୀ ମାଧ୍ୟମ ବିଦ୍ୟାଳୟ, ସେକ୍ଟର ୬ ସରସ୍ଵତୀ ଶିଶୁ ମନ୍ଦିରରେ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହି କେନ୍ଦ୍ର ଗୁଡିକରେ ସହସ୍ରାଧିକ ପ୍ରଥମରୁ ଦଶମ ଶ୍ରେଣୀ ଛାତ୍ରଛାତ୍ରୀ ଏହି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ଏହି ପରିପ୍ରେକ୍ଷୀରେ ସେକ୍ଟର-୬ ସ୍ଥିତ ସରସ୍ୱତୀ ଶିଶୁ ବିଦ୍ୟାମନ୍ଦିର ଠାରେ ଲୋକସଂସଦର ଅନ୍ୟତମ ଆବାହକ ଶିକ୍ଷାବିତ୍ ନିରୁପମା ପତିଙ୍କ ଅଧ୍ୟକ୍ଷତାରେ ଆୟୋଜିତ ଚିତ୍ରାଙ୍କନ ପ୍ରତିଯୋଗିତାରେ ଶତାଧିକ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ । ଏହି ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ପ୍ରତିଯୋଗୀଙ୍କୁ ଆସନ୍ତା ଡ଼ିସେମ୍ବର ୧୨ ତାରିଖ ଦିନ ଅନୁଷ୍ଠାନର ବାର୍ଷିକ ଉତ୍ସବରେ ପୁରସ୍କୃତ କରାଯିବ ବୋଲି ସୂଚନା ମିଳିଛି । ଆଜିର ଏହି ପ୍ରତିଯୋଗିତାରେ ରାଜକୁମାର ମହାନ୍ତି, ଡ. ସଞ୍ଜୁକ୍ତା ପତି, ଅର୍ଚ୍ଚନା ପାତ୍ର, ଅନିତା ନାୟକ ଓ ପ୍ରାତଃ ପର୍ଯ୍ୟାୟ ଲଳିତା ବେହେରା, ପ୍ରମୋଦ ମହାନ୍ତି, ସବିତା ମହାପାତ୍ର, ପ୍ରତିଭା ସାହୁ, ସୁମିତ୍ରା ମିଶ୍ର, ଆରତୀ ବଡାତ୍ୟା, ପ୍ରିୟଦର୍ଶିନୀ ସ୍ୱାଇଁ ଓ ରାଧାମୋହନ ଦାସ ପ୍ରମୁଖ ଉପସ୍ଥିତ ରହି ପରିଚାଳନା କରିଥିଲେ ।