ଟିଟିଲାଗଡ, (ସଞ୍ଜୟ କୁମାର ନାୟକ) : ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଜଗନ୍ନାଥ ମନ୍ଦିର ପ୍ରାଙ୍ଗଣରେ ଟିଟିଲାଗଡ ବ୍ରାହ୍ମଣ ସମାଜ ପକ୍ଷରୁ ସାମୁହିକ ବ୍ରତୋପନୟନ କାର୍ଯ୍ୟକ୍ରମ ସଭାପତି ସୁବୋଧ ଦାସଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଏହି ସାମୁହିକ ବ୍ରତୋପନୟନରେ ଟିଟିଲାଗଡ ତଥା ଆଖପାଖ ପଡୋଶୀ ଜିଲ୍ଲାରୁ ୧୩ଟି ବଟୁ ବ୍ରହ୍ମଚାରୀ ଦୀକ୍ଷା ଯାହାକି ବ୍ରତ ହୋଇଛନ୍ତି । ଟିଟିଲାଗଡ ବ୍ରାହ୍ମଣ ସମାଜ ଆନୁକୂଲ୍ୟରେ ତଥା ବ୍ରାହ୍ମଣ ପରିବାରଙ୍କ ସହଯୋଗରେ ଏହି ବ୍ରତୋପନୟନ କାର୍ଯ୍ୟକ୍ରମରେ ଟିଟିଲାଗଡ ବ୍ରାହ୍ମଣ ପରିବାରର ସମସ୍ତ ସଦସ୍ୟ ଉପସ୍ଥିତ ଥିଲେ । ମଙ୍ଗଳବାର ୨ ତାରିଖରେ ସମସ୍ତ ବଟୁଙ୍କ ଚାରିକର୍ମ କରାଯାଇଥିବା ବେଳେ ବୁଧବାର ୩ ତାରିଖରେ ହୋମଯଜ୍ଞ, ପଇତା ଧାରଣ, ମାମୁଁମାନଙ୍କ ଦ୍ଵାରା ପଞ୍ଚଗ୍ରାସି ତାପରେ ରୋଷଣୀ ଯାତ୍ରା କରିବା ପରେ ଏହି ବ୍ରତୋପନୟନ ସମ୍ପନ୍ନ ହୋଇଥିଲା । ଏହି କାର୍ଯ୍ୟକ୍ରମକୁ ପରିଚାଳନା କରିବାରେ ବ୍ରାହ୍ମଣ ସମାଜର ସମ୍ପାଦକ ସତ୍ୟବ୍ରତ ପଣ୍ଡା, ପୂର୍ବତନ ସଭାପତି ବିଶ୍ୱରାମ ଠାକୁର, ଜଗନ୍ନାଥ ପଣ୍ଡା, ପଣ୍ଡିତ ମନଧର ପଣ୍ଡା, ନଳିନୀକାନ୍ତ ରଥ, ସରୋଜ ରଥ, ଅଖିଳ ପଣ୍ଡା, ଜିତ ଦାସଙ୍କ ସହ ବିଶେଷ ପ୍ରସ୍ତୁତି କରି ସଫଳ ରୂପାୟନ କରିବାରେ ଅଗ୍ରଣୀ ଭୂମିକା ଦାୟିତ୍ଵ ତୁଲାଇଥିଲେ ଚିନ୍ତାମଣି ମହାପାତ୍ର, ବନମାଳୀ ଦାସ, ରାଜେନ୍ଦ୍ର ନାରାୟଣ ମିଶ୍ର ଏବଂ ଅନ୍ୟାନ୍ୟ ବ୍ରାହ୍ମଣ ସମାଜର ସଦସ୍ୟ ବୃନ୍ଦ ।