ଟିଟିଲାଗଡ, (ଗୌରବ ଦର୍ଜୀ) : ଟିଟିଲାଗଡ ମ୍ୟୁନିସିପାଲିଟିର ଇଓ ଆଇ.ଏ.ଏସ . ସୋମେଶ ଉପାଧ୍ୟାୟଙ୍କ ନେତୃତ୍ୱରେ ସ୍ୱଚ୍ଛ ସର୍ବେକ୍ଷଣ ସଚେତନତା ଅଭିଯାନ ଅନୁଷ୍ଠିତ ହୋଇଯାଇଛି । ଟିଟିଲାଗଡ ସହର ମଧ୍ୟରେ ଥିବା ରାଜକନୱାର ପାର୍କରେ ଏକ ସଚେତନତା ସଭା ଅନୁଷ୍ଠିତ ହୋଇଥିଲା । ଉକ୍ତ ସଭା ରେ ଟିଟିଲାଗଡ, ଡାକ୍ତର ଓମ୍ ପ୍ରକାଶ, ମ୍ୟୁନିସିପାଲଟିର ସାନିଟାରୀ ଏକ୍ସପର୍ଟ ଶୁଭସ୍ମିତା ଧଳ, ଓ ସ୍ୱଚ୍ଛ ସାଥୀ, ସଫେଇ କର୍ମଚାରୀ ମାନେ ଉପସ୍ଥିତ ଥିଲେ । ଏହି ସଭାରେ ସ୍ୱଚ୍ଚ ସହର ଗଠନ ଉପରେ ଆଲୋଚନା ସରିଲା ପରେ କୁମୁଡା ପାହାଡ ନିକଟରେ ସ୍ବଚ୍ଛତା ଅଭିଯାନ ଆରମ୍ଭ କରିଥିଲେ । ବିଭିନ୍ନ ସ୍ଥାନରେ ସଫେଇ କାର୍ୟ୍ୟ କରିଥିଲେ । ଏଥିରେ ଟିଟିଲାଗଡ ଉପ ଜିଲ୍ଲାପାଳ ତଥା ମ୍ୟୁନିସିପାଲଟି ଇଓ ସୋମେଶ ଉପାଧ୍ୟାୟ ନିଜେ ଝାଡୁ ଧରି ସଫେଇ କାର୍ୟ୍ୟରେ ସଫେଇ କର୍ମଚାରୀମାନଙ୍କ ସହ ଯୋଗ ଦେଇଥିବା ଦେଖିବାକୁ ମିଳିଥିଲା ।
