କାମାକ୍ଷାନଗର : ଢେଙ୍କାନାଳ ଜିଲ୍ଲା ପର୍ଜଙ୍ଗ ତହସିଲଦାର ସିରିୟଲ ସୁଭ୍ର ପଟେଲ ଓ ରାଜସ୍ୱ ନିରୀକ୍ଷକ ଆଲୋକ ଲେଙ୍କାଙ୍କୁ ଶୁକ୍ରବାର ଦିନ ପ୍ରାଣାନ୍ତକ ଆକ୍ରମଣ ଘଟଣାରେ ସଂପୃକ୍ତ ଥିବା ୮ଜଣ ଅଭିଯୁକ୍ତଙ୍କୁ ପୁଲିସ ଗିରଫ କରିଥିବା ଜଣାପଡିଛି । ଅଭିଯୁକ୍ତମାନେ ହେଲେ ମୁକ୍ତାପସି ଗାଁର ପ୍ରଫୁଲ୍ଲ ସାହୁ (୫୦), ପଥରଖମ୍ବ ଗାଁର ଗୁଣନିଧି ସାହୁ (୨୭), ତ୍ରିପୁର ପରିଡ଼ା (୬୧), ସୁରେଶ ପରିଡ଼ା (୫୮), ଟୁଲୁ ପରିଡ଼ା (୨୭), ଶିବରାମ ପରିଡ଼ା (୩୫), କାମାକ୍ଷାନଗର ରାମମନ୍ଦିର ସାହିର ଦୁଷ୍ମନ୍ତ ସାହୁ (୪୬) ଓ ଚୁଳିଆ ଗ୍ରାମର ପାଣ୍ଡବ ଗାଗରାଇ (୪୮) । ପୁଲିସ ଅଭିଯୁକ୍ତମାନଙ୍କ ଠାରୁ ଗୋଟିଏ ଜେସିବି ମେସିନ ଓ ୨ଟି ଟ୍ରାକ୍ଟରକୁ ଜବତ କରିଛି । ଏନେଇ ସାମ୍ବାଦିକ ସମ୍ମିଳନୀରେ ଢେଙ୍କାନାଳ ଏସ୍ପି ଜ୍ଞାନ ରଂଜନ ମହାପାତ୍ର ସୂଚନା ଦେଇଛନ୍ତି ।