ବାଙ୍କୀ : ହାତୀ ଆକ୍ରମଣରେ ଜଣେ ଯୁବକ ମୃତ । ବାଙ୍କୀ ଡମପଡା ଗୟଳବାଙ୍କ ଗ୍ରାମରେ ଏଭଳି ଏକ ଘଟଣା ଘଟିଛି । ମୃତକ ଜଣକ ହେଉଛନ୍ତି ଗୟଳବାଙ୍କ ଗ୍ରାମର ବାଙ୍କ ସାହୁ । ସୂଚନାନୁଯାୟୀ ସୋମବାର ରାତିରେ ବାଙ୍କୀ ଡମପଡା ଚନ୍ଦକା ଅଭୟାରଣ୍ୟରୁ ହାତୀ ଫସଲ ଖାଇବାକୁ ଆସିଥିଲେ । ଏହି ସମୟରେ ବାଙ୍କ ସାହୁ ବାହାରକୁ ଉଠିଥିବା ବେଳେ ଦାନ୍ତା ହାତୀ ହାବୁଡରେ ପଡି ଯାଇଥିଲେ । ଫଳରେ ହାତୀ ତାଙ୍କୁ କଚାଡି ମାରି ଦେଇଛି । ଖବର ପାଇ ଘଟଣା ସ୍ଥଳରେ ଡମପଡା ବନବିଭାଗ କର୍ମଚାରୀ ଓ ରେଞ୍ଜର ପହଞ୍ଚି ତଦନ୍ତ ଜାରି କରିଛନ୍ତି ।