ଖପ୍ରାଖୋଲ, (ଅଶୋକ ବାଗ) : ହରିଶଙ୍କର ପୀଠରେ ଧୁମ୍ଧାମ୍ରେ ଆରମ୍ଭ ହୋଇଛି ବୈଶାଖ ମେଳା । ମେଳାରେ ଧୀରେ ଧୀରେ ଭିଡ଼ ପରିଲକ୍ଷିତ ହେଉଥିବା ବେଳେ ଏହି ମହୋତ୍ସବରେ ସରକାରୀ କର୍ମଚାରୀ ଏବଂ ବିଭିନ୍ନ ସଂଗଠନମାନେ ଡେରା ପକାଇଛନ୍ତି । ସେହିପରି ହରିଶଙ୍କର କୃଷି ଉଦ୍ୟାନଠାରେ ରନ୍ଧାବଢ଼ା ଚାଲିଥିବା ସମୟରେ ରୋଷଇର ଧୂଆଁ ଉଡିବା ଯୋଗୁଁ ନିକଟସ୍ଥ ଆମ୍ବଗଛରେ ଥିବା ମହୁମାଛି ବସାରେ ଥିବା ମହୁମାଛିମାନେ ଆକ୍ରମଣ କରିଥିଲେ । ଫଳରେ ପଡ଼ିଆବାହାଲ ଭିଏଡବ୍ଲୁ ଜଗଦିଶ ଭୁଏ ଓ ସୁଶାନ୍ତ ଧାରୁଆ ନାମକ ୨ ଜଣ କର୍ମଚାରୀ ଆକ୍ରମଣର ଶିକାର ହୋଇଥିଲେ । ଆହତ ୨ ଜଣଙ୍କୁ ଚିକିତ୍ସା ପାଇଁ ନିକଟସ୍ଥ ଖପ୍ରାଖୋଲ ଡାକ୍ତରଖାନାରେ ଭର୍ତ୍ତି କରାଯାଇଥିବା ସୂଚନା ମିଳିଛି ।